Rikverc brzina

Naklja odova famozno referndum,panda po famozno i brojka taro manusha kola so iklile te alusarinen bashi o referendum, ingarela 666… , na je li chudno nesar akaja cifra?

Oja akaja cifra prestavinela biblisko numero e manusheskiri taj e bengeskiri ( dur amendar, phu,phu).

Shaj akaja cifra tari iklile manusha sine baskuzno cifra bashi o referendum thaj na sine usvojmo sar sukcesivno, numa nit na dozivingja totalizirimo fijasko.

E, akana so ka kera, o vozi bashi EU cidingja taro peroni , a , amen sar o chibano « IDI IDI KARTA JE KOD MENE).

Iako o referendum na dozivingja totalizirimo fijasko, no dengja indikatori kaj i aktuelno vladejacko garnitura peli ko avgo ispit pala ko lokalna alusaribe kana marela sine ko pobut komune ani Makedonija. Akava referendum na sine bashi alusaribe politicko partijake nit politicko anaveske , pali peste ingarela baro bichalipe vi taro manusha kola so si neutralna partisko pozicionirime, thaj vi agjar o bichalipe taro partiska thaj simpatizerija taro SDSM sebepi so lengoro vetuvanje dzi akana anglo alusaribe nane perdo .

Iako si dende but love bashi te sukcesinel i kampanja trujal sa o medije, trujal lengere serutne dizjengere, deputatija, koaliciono partnerija, o revoti e obicno manusheskoro sikavgja ignoribaja ko iklojbe basi alusaribe e referedumeske.

Baro procenti lendar nane chale soske o sitna partiska funkcionerija achile kashuke ko lengoro rodibe bashi polacho djivdipe, holjame bashi odova so panda manusha taro DPMNE, si ko ple bukjarne thana, a o dzene kola so lile than ko perajbe e ex rezimeskoro acile mashkarutne parmakoja ko muj.Holjame si vi agjar so but kriminalcija bashi lengoro particiribe ko Govermento si amnestirime, thaj si mukle te prolozirinen pumari kriminalno aktivnost upreder o dziani, bizi dar kaj ka oven procesuirime.

Sar kapakoko sa adava si i koalicija e nabare protivnikoja trujal o akanutno premieri Zoran Zaev em o SDSM thaj vas hramovibe koalicija so SRM e partijaja taro Amdi Bajram.

O dzijani si but revoltirimo, dikela pravde jakencar, a na tari prizma disave politichko prizmatar, keda o bare zlostornikija, kriminalcija vlecinenape ko tribunalija thaj pirena peske sar te pene nisto na kergje, a okotar o sitna prestupnikija expresno si osudime thaj panle.

Mora te vakerav kaj sijum sine pesimisti kaj o referndum ka ovel sukcesivno, dikindor o politichko hali ki Makedonija, thaj o but prozirno reklamna spotija.

Sigurno deka o vrda anavkerdo Republika Makedonija ja li ponadori Severna Republika Makedonija taro ler brzina shaltujngjala ki rikverc brzina, sebepi i losno kreirimi politika , pred se loshno kreirimi andruni politika.

Akana ka achol te koristinelpe sa o mehanizmija pa i finasisko te ubedinepes o deputatija okola kolencar saj anelape dvotretinsko mnozinstvo basi prifatibe o dogovor e Grcijaja thaj trampibe o Ustave Makedonijakoro.

Exampalrija bashi o hali e neve EU partnerengoro sar soj i Bugarija em i Romanija na sikavena sa pozitivno sal sebepi so ko solduj puvja sherutne si krimogena politicko strukture, pa dikaja lengoro dzeinakeskoro hali ko EU ? O premieri zaruri si te kerel jek bari metla, dzi kote o dziani ki Makedonija mangenapalem te iranen pumaro lacho pakjabe upreder leste .

Dzi kote na sukcesingjape akava te kerelpe, achola te organizirinelpe anglo vakteskere parlamentarna izborija. A dzi tega o vrda ko than te shaltujnelpe ki avgo pa dujto pa… ka djal ko rikverc.


Mozes Solomon ( Muhadjer Sulejman)


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime