Slovakia: Daj – Romani thaj štar čhave mule an i bari jag an o olengoro kher. I policia kerel rodaripa an o rasistikane komentaroa an o FB

Pandž persone kote štar čhave thaj olengiri daj našavgje piro dživdipa ko javinate an o paraštui ko 30 novembro ko olengoro kher ani Ost Slovakia so thabilo an i bari jag. I mujaljagakiri ekipa akale incidenteske informiringja e čehiakere mediumen havljarel e Čehiakoro Romano portalo romea.cz.

I tragedia uli an o gav Rihnava an i diz Krompachi , a faktori e bare jagake panda na džanela pe. I jag iklili ko štarsobengoro apartmano , kana tari i jag pelo o tavano.

Aso slovakiakir policia ko vakti e bare jagake viktimia si 28 beršengiri persona thaj štar čhave an o baripa taro 5 dži ko 9 berša.

Aso o raportoa e mediumenge i džuvli sine daj eolakere čhienge. O govermento thaj o presidento sikavgje bibaht bašo akava akti.

O viktimia e barejagake si Roma thaj aso mediumsko raportoa startujngje thaj komentaroa so sine but antirasisitikane. Asavke komentaria sine em ki ofivcialno FB profilo taro Slovakiakoro policia.

E slovakiakiri policia reagiringja zorale thaj denda vaktavin kote sa asvke komentaronge ka keren sankcie . Oelngoro logiriba dži ko FB profilo akana si blokirime ma te šaj te kosen pire anglutne komentaria”akcentirinel e slovakiakir policia.

“O majbaro “heroi” maškar olende sine ensavo “Patric Induk” so reslja te kosel piro komentaro , numa amen reslem te astara i sasti dikusia thaj ma te sekirinel pe kaj oleste da astardem ole” vakerel o administratoro taro akava oficialno FB profilo e policiakoro. Asavke bare jaga ko romane mahale an i Slovakia sine angleder da.

Sar egzamplo persi decembro duj persone našavgje piro dživdipa ko vakti e bare jagake ki romani mahala Jarovnica ko ost Slovakia ki diz Sabinova. An o 2015 berš asavki tragedia sine an o gav Sačurov ko than Vranova nad Toploy , ki ost Slovakia , kote thabile trin romane čhave.
Link: http://www.romea.cz/en/news/world/slovakia-four-romani-girls-and-their-mother-


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime