So shaj siklovaja taro «Galbene elekija»

Verovatno kj okola kola so hari pendjarena e sumnaeskiri istorija, ka denpes godi bashi e francijakiri revolucija , kana gnevno tolpa manusha bi chale atakujngje i Bastilja ano 14 juli 1789 bersh.

Palader i Bastilja sasto sumnal sine svedoko anglo jek kurko so chipotinlape ani Francija kana o dziani nane chalo taro ande decizie taro Francijakoro Govermento.

I Francija isila tradicija bashi kupatno lejbe than ko demontsracije, strajkia kote so o dziani ustela ano droma, anglo themutne institucije.

O «Galbene elekija» kola so trujal o socijalne mreze barile ko jek masovno protesti mujal e dzianeskoro bi chalipe sikavagja kozom o dziani isile sila kana ka kedelpe ki kupa thaj jekhutno ko rodibe ple manushikane dzivdipaskere nijamenge.

So saj sikljovaja amen e Roma taro «Galbene elekia» kola so peravge e francijakere prezidente Makron barem akanaske ano kochaka?

Sal jek , jekutnipe thaj kupatnipe kana kerelape lafi bashi amaro baro bichalipe trujal sakona andi decizija so si bilachi mujal amaro djivdipe, siguriteti, politicko ekonomsko taj socijalno niamija.

Po priroda me em groto Roma sijem pacifistija, filantropia, nikeda na sikavgem agresivno aktivitetija mujal sa o represalije kola so sine thaj so chipotinenape mujal amende ani sasti Europa pa i ano sasto sumnal.

Pareste avdive te ove o Gandi, Martin L.King, N.Mendela, panda poparo te ove pacifistichko orientirimo ko akava bilacho vakti, kana bizo chobani o bakre rasturime ki sako rig .

Ko sa akava i manifestacija « Galbene elekija buvljargovela sar virusi, trujal o Francija akava virus astarga thaj e Belgija, Germanija, Holandija, a ko naklo dive thaj e srbijakere Parlamente keda jek lengoro deputati uravdo ko galbeno eleko rodingja te cinavelpe o uklojba e naftene derivatengoro sar na bi ki Srbija chipotinelpe o chipote sar ki Francija


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime