Sali Memed

Trin romane deputatija ko EP tribul amenge panda alusaribaskiri edukacija !!?

KOLUMNA

Trujal savo so ko naklo mandati sine 5 romane deputatija ko Evropkaoro Parlamenti, akava saikeriba (SOSTAV) ka oven  trin romane deputatija Romeo Franz tari Germanija, Livija Jaroka tari Ungaria thaj Peter Polak tari Slovachka.

So trin deputatija ko akala alusariba bashi EP khuvgje taro pobare politikane partije, dzikote o romane politikane partije sinelen tikne avzija ko sa o thema ki Evropkairi unija thaj na sinelen nisave šanse sar romani partija te del plo kandidati savo seoriynikano ka ovel kotor taro EP.

I LIvija Jaroka akava lake trito mandatt thaj khuvela sar dzeno tari Partija FIDESZ taro aktuleno premieri Viktor Orban, kova sile desnicharsko stavija hem lakoro butikeriba dzi akana spored o pendzarutne tari evropakere nastanija na vlijangja but bashi o romano prosperiteti inkluzija, integracija ki Evropa. ž

Dikindoj o stavi tari partija kotar so avela bashi politika bashi migracija o stavija bashi nacionalnostija itn.

Romeo Franc khuvgja taro ” ZELENA” koleste kergje baro admi (cekor) kori rezultatija ole sinelen najbaro rast taro sa o poliitikane partije ki Evropa bashi dzene ko parlamenti trujal so nasinelen majbaro mnozinstvo, numa kerge baro progres angle dzenencar ko Evropakoro parlamenti.

Sar nevo ROM ko EP si o Peter Polak tari Slovakija savo so sine ko avgo than ki gadzikani politikani partija thaj khuvgja odoleja so sine nositeli ki lista hem olendar khuvgja jek avtomatski ov gelo ko EP.

Peter Polak pendzardo si ki Slovakija sar Rom savo so kerela buti bashi romani integracija ki Slovakija thaj sinele nekobor funkcije ki them kote so direktno te kerel buti bashi inkluzija e romengiri ki akaja them, akava leske avgo mandati ko EP.

Ko naklo mandati 2014 -2019 sine pobut roma ko EP 5 akava bersh 3 numa vakeribaske kaj nijek nae khuvdo tari romani partija, numa taro javera partije sar kandidatija ko lengere listija.

Dikindoj i situacija o Roma na e but zainteresirme te den plo avazi ki Evropa bashi romani politikane partije, ja pa panda nasijem osvestime deka trebno te da amaro avazi romeske.Tari javr rig i tikni edukacija thaj motivacija bashi aktuelna sostojbe e romengere ki Evropa nadena pozitivno dikibe deka o Roma shaj korkori te vakeren kaske ka den plo avazi.

Sa akala faktija sikavena kaj trebno te kera but buti ko bajraripa o pharipe bashi dzandipe bashi o Evropska Alusariba thaj save shukaripeka denamen.

Khanchi nevo bashi romano digniteti, svest deka amen shaj, panda tribul te kera buti ko amare korkori doverba , dzandipe, edukacka bashi asavke alusariba thaj javera bukja.

Ki Evropa dzivdinena 12 millonija Roma koleste salde ko akala phuvja kote so isi Alusariba isi pobut taro 10 Milionija ko Agor te oven tut trin Romane deputatija koleste soj thane ko javera partije hem javera da dena plo avazai dzikote ko nijek romani partija nashti ikalgja ni jek deputati adav si shamarka te dikamen kaj panda tribul te kera buti hem amencar hem javerncar bashi poshukar tajsa.

 

Kolumna

Sali Memed


Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime