Video: An i Budimpešta thabile o ofisia taro REF, o stipendie ka ulavenpe ko vakti

Persi vikendi an o 17 Novembro paše ko 14 o časo aso lokalno vakti an i Budimpešta – Hungaria iklili bari jag an o objekto kote si o ofisia thaj o nakcelarie taro Romano Edukaciakoro Fondi – REF.

Ov ki piri eksluzivno notacia e Web portaloeske “Roma Times” o direktori e REF-eske o Nadir Ređepi vakergja:
“I bari jag iklili ko kotor taro restorani so si locirime an o teluno kotor e objekteske thaj prekal ventilacisko sistemi buvlilo ko ofisia taro REF so si an o uprune etažia. Resle thaj mujaljagakere ekipe thaj nekoborsaatengoro lokaliziribe e jagake čhinavgje i jag. Ko jekh so tari jag thaj so taro bare panja ko kancelarie taro REF sine zijankerde pobaro kotor taro kompjutersko, arhivsko thaj tehikano kotor.

Aso o Ređepi akava ka karel tikno prolongiriba an o aktivitetia ko kotor taro deiba o stipendie e Romenge -studentia numa pakajala kaj nane odova prolongiribe te ovel pobuter taro duj kukre.

Akana isi aktiviteto ano revitalizacia thaj prefrliba sa e kompjutersko informacie e stipendienge palem te arhivirinen pe akala informacie.
Ko jekh o direktori taro REF o Nadir Ređepi vakerela: ” Akana si saste paše an o agor o aktiviteti bašo funkcioniriba o nevoformirimi kancelaria REF- Makedonia. Udđarel pe kaj an o starti taro 2019 berš kaj akava ofiso an i Makedonia ka profunkcionirinel pire saste kapacitetea ” akcentirinela o direktori taro REF an i Budimpešta o Nadir Ređepi an i piri specijalno dendi informacia e Web portaloske ” Roma Times”

 

Youtube:

 lendo: Romatimes.news

Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime