Sali MemedMarch 25, 2020
-4.jpg

1min16

Ѕвездата на Барса донираше 1 милион евра за борба против коронавирусот. Донацијата ја подели на клиника во Барселона која е центар за лечење на болеста Covid-19 во Каталонија и установи за борба против пандемијата во родната Аргентина.

Според многумина најдобриот фудбалер на светот не соопшти јавно дека ја дал донацијата, туку за неа се дозна откако клиниката во Барселона преку Twitter му се заблагодари: „Лео Меси ни донираше средства за борба против COVID-19. Фала ти многу Лео, за посветеноста и поддршката.“

Од клиниката додаваат дека донацијата ќе биде искористена за „истражување, помош на пациентите и згрижување на семејствата на заразените согласно приоритетите“. Исто така истакнаа дека „како и секогаш, инсистираме на транспарентност и на донаторите детално ќе им покажеме на што сме ги потрошиле донациите и какви резултати сме постигнале“.

Ова не е прв случај Меси да даде сериозна донација за медицинска установа. Тој е најголемиот донатор на Одделението за педијатрија во болницата Sant Joan de Deu во Барселона. Преку неговиот проект тој им помага на многу деца заболени од рак кои се лекуваат таму.

Пеп Гвардиола исто така донираше 1 милион евра за набавка на медицинска опрема за помош на граѓаните на Шпанија за време на пандемијата.

Тренерот на Манчестер Сити ги уплатил парите на сметка на една каталонска фондација која потоа ќе купи заштитна опрема како маски, очила, ракавици… Набавените материјали ќе бидат дистрибуирани низ цела Каталонија. Пред да се приклучи поранешниот тренер на Барса во акцијата за донации, беа собрани само 33.000 евра.


Sali MemedMarch 19, 2020
Manekenka-so-Jovic.jpg

1min37

Во повеќето тимови на Реал Мадрид беше донесена одлука играчите да се самоизолираат откако членот на кошаркарскиот тим, Треј Томпкинс беше позитивен на коронавирусот.

Сите фудбалери на Реал Мадрид беа ставени во домашен карантин затоа што ги користеле истите справи во вежбалницата, а како што и Јовиќ призна го користеле и истиот базен како заразениот кошаркар.   Превентивно играчите требаше да останат две недели во карантин, меѓутоа истиот не е почитуван од Лука Јовиќ.

Како што јавуваат српските медиуми, Јовиќ се вратил во Белград на роденденот на својата девојка. Јовиќ шетал по белградските ресторани и бил во контакт со други луѓе, а тамошниот медиум „Б92“ јавува дека овој негов потег ја налутил и премиерката на Србија, Ана Брнабиќ.

– Постојат примери на фудбалери кои имаат милионски договори во странски земји, а доаѓаат овде и не се во изолација. Ќе си имаме работа со нив, -кратко порача премиерката на Србија.

Се очекува Јовиќ да добие казна и од Реал Мадрид затоа што ја прекршил самоизолацијата која требаше да трае 14 дена.


Sali MemedMarch 16, 2020
3cLh_2433QW_l.jpg

1min30

Поранешниот бразилски фудбалски репрезентативец, Роналдињо останува во притвор со Парагвај за фалсикување на патни исправи, откако судот во Асунсион ја одби неговата понуда за кауција од 1,7 милиони евра да се брани од слобода.

Еден од легендарните играчи на Барселона, заедно со неговиот брат, влезе во Парагвај со лажни документи и беа уапсени во хотелот во кој отседнаа.

Во затворот стана омилен лик меѓу осудениците и неговата екипа без проблеми го усвои турнирот што традиционално се организира во установата.

Но, за излез на слобода, сепак, ќе мора да го почека судењето и да се надева дека неговиот адвокат ќе успее да ја убеди поротата дека немал врска со лажирање на документи. Во спротивно, зад решетки ќе мора да мине уште неколку месеци.

Source: a1on.mk


Sali MemedMarch 16, 2020
liga-na-sampioni-1-1280x853.jpg

1min36

УЕФА во вторник ќе донесе конечна одлука за тоа како да заврши сезоната во европскиот фудбал, а денеска пристигнаа информации дека би можел да се игра фајнл-фор во Лигата на шампиони.

Познато е дека нема термини за да се одиграат сите натпревари, па УЕФА мораше да најде ново решение и според нив во мај може да се игра Ф4 на кое ќе бидат четири екипи, две полуфиналиња и едно финале на 30 мај.

Тука сега преостануваат два проблеми, преостанатите реванши од осминафиналето, остануваат уште четири меча: Манчестер Сити – Реал Мадрид, Барселона – Наполи, Јувентус – Лион и Баерн Минхен – Челзи. Втор проблем е како да се одржи четвртфиналето.


Sali MemedMarch 15, 2020
-2.jpg

1min43

Утрово „Марка“ пренесе дека Кристиано Роналдо одлучил своите хотели да ги пренамени во болници и да ги стави во фикција на лекување од коронавирусот.

Оваа вест како „бомба“ одекна во целиот свет, но сега стигнуваат информации дека веста била ЛАЖНА.

Роналдо има ланец на хотели во неколку европски земји како што се Португалија, Франција, Шпанија, но фудбалерот се уште не донел таква одлука.

Бројни извори објавија дека оваа одлука се уште не е донесена и дека иако Роналдо веројатно размислува за ова, засега не може да се потврди. Португалскиот новинар Филипе Каетано неколку часа подоцна ја демантираше Марка и ги нападна новинарите кои ја објавиле веста без да ја проверат.

„Кризата во Португалија не е толку голема за да има недостиг од болници и медицински установи што би се користеле како карантин. Дури и доколку ситуацијата ескалира, постојат бројни државни згради кои многу полесно би биле користени како болница отколку луксузен хотел. Исто како и фактот дека Роналдо би ги плаќал лекарите, е уште една невистина бидејќи сите медицински лица кои учествуваат во оваа борба се платени од државниот буџет“, порачаа португалските медиуми.

Source: sportski.mk

 


Sali MemedMarch 14, 2020
gala.jpg

1min38

Поради пандемијата со коронавирус спортските настапи се одложуваат масовно, па во следните две или повеќе недели љубителите на спортот нема да имаат голем избор кога се ТВ преносите во прашање.

Кошаркарските натпреварувања се целосно откажани, па нема да ги гледаме најдобрите кошаркарски лиги ширум светот. Сепак, фудбалските лиги се играат во одредени земји, така што ќе можеме да видиме некои возбудлувања на зелените терени.

После последната информација за откажување на Бундеслигата, понудата навистина се редуцира, па најинтересно ќе биде во Турција, каде можеме да гледаме две големи дербија овој викенд.

Во недела е дербито Галатасарај-Бешикташ, натпревар кој можеби во овој момент привлекува најмногу внимание, а нешто порано ќе имаме можност да го гледаме дуелот за првото место на табелата помеѓу Трабзонспор и Башакшехир.

Фудбал овој викенд ќе се игра уште во Србија, Русија, Украина, Црна Гора и Унгарија, каде настапуваат тројца македонски репрезентативци.

 

Source: sportski.mk


Sali MemedMarch 13, 2020
809e7b92-f29e-411f-9e82-8544ef4492b7.jpg

2min45

Ова се славните личности кои потврдиле дека се заразени од коронавирусот

Корона вирусот направи хаос низ целиот свет. Тој завати и многу познати личности од различни сфери, тука се политичари, спортски ѕвезди, глумци и тн.

Ова е листата на славни личности кои е се позитивни на КОВИД-19:

  • Том Ханкс- глумец
  • Сопругата на канадскиот премиер Џастин Трудо, Софија
  • Руди Гоберт- ѕвезда на NBA
  • Даниеле Ругани- фудбалер на Јувентус
  • Микел Артета- тренер на Арсенал

     

  • Жаир Болсонаро– претседател на Бразил

    Source: vesnik.com


Sali MemedMarch 13, 2020
thumbs_b_c_9c801801bdfc0c8f58d44bf9fcc69f5b.jpg

1min50

Кристијано Роналдо се наоѓа во изолација во родната Мадеира деновиве.

Ѕвездата на Јувентус го напушти Торино пред неколку дена, но кога беше објавено дека неговиот соиграч Даниеле Ругани е заразен со Корона вирус, веднаш беше ставен во изолација далеку од случувањата.

Додека се чека развој на ситуацијата околу овој вирус, Роналдо како и многумина други, испрати порака до јавноста, да има трезвеност пред да се случи колапс и човечка катастрофа.

Светот минува низ тешки моменти кои бараат грижа и внимание од сите нас. Денеска не ви пишувам како фудбалер, туку како син, татко и човечко суштество кој е загрижен со она што се случува и влијае на светот. Многу е важно да ги пратите советите на светската здравствена организација и владеачките структури околу тоа како да се носите со актуелната ситуација“,

порача Кристијано Роналдо.

Фудбалот насекаде е во „офсајд“ извесен период, а се очекува нови информации веќе на почетокот од следниот месец за начинот како ќе ги завршат првенствата.


Sali MemedMarch 12, 2020
tTUBZ-51365521_303.jpg

1min34

Според информациите на шпанските медиуми , УЕФА размислува да го премести Европското првенство за наредната година, а Лигата на шампионите и Лига Европа да ги прекине привремено.

Коронавирусот удри силно и врз спортот, Јувентус, Интер и Реал Мадрид се во изолација, па европските натпреварувања не можат да продолжат.

Ситуацијата во моментов е таква што не дава оптимизам ни з одржување на Европското првенство кое е распространето низ целиот континент. Многу фанови ќе треба да патуваат во тој период, а од сегашна гледна точка тоа е незамисливо.

УЕФА досега не реагираше, но доаѓа момент кога мора да преземе нешто. Нивниот тврд став дека фудбалот треба да продолжи полека омекнува и се верува дека уште денеска ќе излезат со официјални информации.

Според „АС“, УЕФА ја разгледува можноста Европското првенство наместо оваа да се одржи следната година. Со таквиот потег ќе биде оставен простор да се доиграат домашните првенства кои сега се во прекин. Но ќе може да се доиграат и мечевите од Лига Европа и Лигата на шампионите кои се очекува да бидат суспендирани на одреден период.

Поради изолацијата на Јувентус, Интер и Реал Мадрид, јасно е дека не може да се играат натпреварите во Лига Европа и Лигата на шампионите, па прашање е само како ќе биде суспендирана сезоната во европските натпреварувања. Дали привремено или трајно.

Со евентуалното преместување на Европското првенство, ќе се обезбеди простор за привремено суспендирање на Лигата на шампионите и Лига Европа доколку ситуацијата со коронавирусот почне да стивнува.

Преместувањето на ЕП ќе значи и дека мечот меѓу Македонија и Косово ќе биде одложен и ќе може да се игра дури и наредната година.

Сите овие информации се базираат на гласини од шпанските медиуми „АС“ и „Марка“, но се многу логични. Останува да се почека официјалната одлука на УЕФА која во краток период мора да се изјасни за ситуацијата.

Source:24fudbal.


Sali MemedMarch 12, 2020
3500-7-1280x768.jpg

1min38

Шпанското фудбалско првенство се прекинува на најмалку две недели откако Реал Мадрид објави дека неговите играчи одат во карантин.

Ваква одлука беше донесена откако играч на кошаркарскиот клуб Реал Мадрид, кој го дели истиот тренинг-центар со фудбалерите, имал позитивен тест на коронавирус. Реал во вторник треба да го игра реваншот од осминафиналето на Лигата на шампионите против Манчестер сити. Шпанскиот весник „Марка“ објави дека УЕФА планира да го прекине натпреварувањето во Лигата на шампионите и Лига Европа.

Клубот ги затвори сите простории во својот спортски центар.

Претходно, и играчите на Јувентус беа ставени во 14-дневен карантин откако бекот Даниеле Ругани имал позитивен тест на КОВИД-19.



Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime