Kjani IbraimDecember 1, 2017
SP-Rusia-2-2018-24vakti-1.png

5min719

SP Rusia 2018: Brazil- Srbija,Španija-Portugalija,Gemanija-Mexico.

SP Rusia 2018

Pendzarde si o grupe taro Sumnaleskoro Prvenstvo so ka ovel ki Rusia o nilaj 2018-to berš, palo ikerde ždrepke ko Kremelj ki diz Moskva.

Ki Grupa A arakhlona: Rusia, Saudiska Arabia, Egypet thaj Uruguay, akate ki akaja grupa gudli uloga taro favoriteja denape bašo o kherutne i Rusia thaj o prestavnikija taro Južno Amerikansko kotor Uruguay.

Ki Grupa B arkhlona: Portugalija, Španija, Maroko thaj Iran, kote so ki akaja grupa udzarelape o avgo than thaj o dujto te zavisinel taro maškarutno meči maškar Portugalija thaj Španija, numa našti cidenpe thaj o javera duj reprezentacije dikhibaja lengere sukcesije thaj o than lengoro ki akaja gurpa B.

Ki Grupa C arakhlona: Francija, Australija, Peru thaj Danska, ki akaja grupa šaj dikhelpe kaj valjanela te ovel dinamično dikhibaja kaj i Francija isila nezgodna oponentija sar so si o Peru, a thaj adava kaj i Danska barabar e reprezentacijaja tari Australija isilen potencijali sebepi so sikavge takati ko playoffija thaj arakhlepeske than ko akava mundijali.

Ki Grupa D: Argentina, Icland, Hrvatska thaj Nigerija, akate udzarelape o derbi te ovel maškar o Južno Amerikancija i Argentina mujal i Hrvatska taro Balkani, kote so isi kvalitetna čherenja ko solduj reperzentacije, dzi kote kerelape lafi bašo Icland ov sikaga jek pojaver fudbali ako dena tumen godi ko paluno Europakoro prvenstvo ki Francija thaj dikhibaja lengoro šherutnipe ko kvalifikaciona grupe, numa i Nigerija si akate te kherel pharipe akale reprezentacienge thaj te protektirinel o muj e Afričko kontinenteske.

Ki Grupa E arakhlona: Brazil, Svajcarija, Costa Rica thaj Srbija, ki akaja Grupa nadzangolape dali si „dzehnemi“ baši Srbija jali dali isilia potencijalno kvaliteti te paririnel e „Gaučhocenge“ o Brazil, a pak i Costa Rica isila poedincija kova so dzanena o fudbali sar so si J.Campbel thaj panda but javera kova so na ka denpe thaj ka oven konkurentija bašo nokaut faza barabar e reprezentacijaja tari Švajcarija kova so isila solidno selekcija.

Ki Grupa F arakhlona: Germanija, Mexico,Švedska thaj Republika Korea, akate o maribe bašo avgo than ka zavisinel tari Germanija, Mexico thaj Švedska, numa i Republika Korea ka ovel la šajdipe te sikavel soske tani akate thaj dzi kote šaj te resel.

Grupa G arakhlona: Belgija, Panama, Tunis thaj Anglija, ki akaja grupa o deribi si mujal Belgija thaj Anglija adaleja so akala reprezentacije isilen nesavo pendzaribe maškar peste sebepi so kotor taro fudbalerija khelena ki Anglisko premier liga thaj dzanena pe kolegencar sar te oven oponentija, numa akate si thaj Panama da barabar thaj o Tunis kova so ka dikhelpe lengiri resarin pali grupno faza.

Thaj ki paluni Grupa H arkhlona: Polska, Senegal,Columbia thaj Japonija, akate si hemime o selekcija sar ko javera gurpe, numa akate dikholape jek pojaver dikhiba adaleja so isi naprognoziribaskere reprezentacije thaj našti delpe favoritsko uloga bari, numa ko akava exemplo sarine udzarena tari reprezentacija i Polska legardi taro šherutno Robert Lewandowski, dzi kote i Columbia isila šhužo sig kheliba thaj lengoro kheliba sigate khuvela ki jakh e dikhutneske, a so kerelape lafi bašo Senegal thaj Japonija, o Senegal si akate jeke resarinaja barabar sar i Nigerija tari Grupa D te protektirinen thaj te arakhen o muj taro Afričko kontineti, a dzi kote i Japonija več pobuter puti lela than ko Sumnaleskere prvenstvija thaj dzanena sar valjanela te khelelpe dikhibaja kaj isilen olenda solidna fudbalerija.


Kjani IbraimNovember 30, 2017
grizman-24vakti-mk-1.png

1min419

Grizman rodela tari Barcelona 100 milionija evrija.

Grizman rodela tari Barcelona 100 milionija

O fudbaleri taro Atletiko Madrid, Antoan Grizman vikinga e Barcelona te aktivirinelpe baši leskiri kinibaskiri klauza taro 100 milionija evrija jali ka šhurakerel angleder kontraktija e Anglisko premier ligašeja Mančester Junajted, havlarena o Španska mediumija.

Antoan Grizman, o Francusko reprezentativco anga dekreti te dzalpeske taro Atletiko Madridd palo 4 berš nakhavde, a dzi kote i Barcelona thaj Mančhester Junajted si majistaknime kandidatija bašo anibe le ko lengere ekipe.

O rodiba taro Grizman alo dzi ko treneri e Barcelonakoro Erneste Valverde, oleske na sine šukar o mesaži bičhaldo dzi ki Barcelona. Ov vakerga kaj postojnena javera opcije bašo zorakeriba, a o sumnibe e trenerskoro si o lošno iskustvo anibaja e Khoraja Arda Turan tari Atletiko Madrid.

Grizman ko Ateletiko Madrid alo ko 2014-to berš taro Real Sociedad, a akaja sezona denga samo 6 golja.


Kjani IbraimNovember 24, 2017
messi-zlatna-kopa_ka-24vakti-1.png

1min372

4-to„Zlatno kopačka“ bašo Messi.

4-to„Zlatno kopačka“

O fudbaleri e Barcelonakoro Lionel Messi reslja dzi pli 4-to „Zlatno kopačka“ kova so ulavelape sekova berš bašo majšukar golgeteri ki Europa, keda si ko pučhiba o Europakere prvenstvija.

Bašo Argentinco sine dendo pursako baši sezona 2016-to/2017-to  koleske ki Špansko La Liga denga 37 golja taro 34 mečija.

ko avgo than sine o Messi, a dzi kote pala leste sine: Bas Dost taro Sporting Lisabon 34 goljencar, Abumiyang taro Borusia Dortumund 31 golja, Robert Lewandovski taro Bayern Munchen 30 golja, Luis Suarez tari Barcelona 29 golja thaj Edin Dzeko tari Roma denga ko jek aghar baši Italijansko Serija A.

Bašo Messi akaja sine 4-to dobimi „Zlatno kopačka“ kova so angleder dobinga asavki ko berša 2009-to/2010-to, 2011-to/2012-to thaj 2012-to/2013-to.

Ko jek akale „Zlatno kopačkaja“ o Messi alo ko jek numero, e Portugalsko reprezentativcoja thaj fudnalereja taro Real Madrid, Cristano Ronaldo kova si leske večno rivali thaj ole da sine le lendo 4 „Zlatna kopačke“.


Kjani IbraimNovember 23, 2017
Game-over-milan-24vakti-1.png

2min323

„Game Over“ bašo Milan ki Europakiri fudbalsko scena?.

O Italijansko giganti arakhlola ko pharo hali adaleja so leskoro lejbe than ki Liga Europa visinele ko thav thaj pučibe si dali ka brkinenlen tari Europakiri fudbalsko scena?.

„Game Over“

Italijansko kalčoligaši na sine sukcesivno ko ubedibe e šherutnen tari UEFA kaj finansisko šukar bešena, dzi kote o direktori e „Rosonerengoro“ Marko Fasone sine ko sostanok thaj ko dikhibe ko Nion, numa nikoj tari UEFA nane sigurno kaj o Milan ka kerel pare thaj ka pherel o prilivi ko plo klubi.

„Sekirinela ma i situacija e Milaneskiri, ka dikha so ka ovel, ko akala momentumija sa šaj ovela“ vakerga o prezidenti tari UEFA, Aleksandar Čeferin kova so na frdinga o šajdipa bašo brkiba thaj ikaliba e Milane taro Europakere nastapija ko Europakere kupija.

O Milan ko paluno naklhlo roko hardzinga 200 milionija evrija bašo neve igračija, a adala pare panda na irangelen palal ko klubi bikibaja javere fudbaleren, adaleja phagelape o kanuni bašo finansisko fer plej.

„Game Over“


Kjani IbraimNovember 22, 2017
UEFA-TIM-OF-THE-2017-24vakti-1.png

3min300

UEFA havlarga o nominacije bašo timi 2017-to.

UEFA havlarga o nominacije bašo timi 2017-to berš ki pli oficijalno web rig, adalea so več dzangolape kola fudbalerija arakljona ki konkurencija bašo majšukar 11 fudbalerija thaj kotor taro avgo timi tari UEFA.

UEFA

Fudbalerija Balkansko nacionaliteteja isi 3 thaj adala si: Luka Modrič taro Real Madrid, Miralem Pjanič taro Juventus thaj o golmani taro Atletiko Madrid, Jan Oblak.

Bašo majšukar golmanija e beršeske ka oven ki konkurencija: Dzanluidzi Bufon (Juventus), Kejlor Navas (Real Madrid), Manuel Noer (Bayern Munchen), Jan Oblak (Atletiko.Madrid) thaj o Špansko avgo golmani David De Gega (Mančhester Junajted).

Bašo majšukar fudbaleriaj tari paluni rig araklile: Dani Alves (PSG), Tomas Menuer (PSG), Leonardo Bonuči (Milan), Antonio Valencia (Mančhester Junajted), Kamil Glik (Monako),Diego Godin (Atletiko Madrid), Daniel Karvahal (Real Madrid),Marcelo (Real Madrid), Serhio Ramos (Real Madrid), Dzošua Kimich (Bayern Munchen), Dzordzo Kelini (Juventus), Aleks Sandro (Juventus), Bendzamin Mendi (Mančhester City), Gerard Pike (Barcelona) thaj Davison Sančhez (Tottenhem).

Tesno si i konkurencija thaj ko pozicija maškaral taro stadioni kova ate si: Eden Hazard (Čhelzi), Dele Ali (Tottenhem), Kristijan Eriksen (Tottenhem), Marko Asensio (Real Madrid), Isko (Real Madrid), Kasemiro (Real Madrid), Toni Kros (Real Madrid), Luka Modrič (Real Madrid), Andres Iniesta (Barcelona), Henrik Mihtarijan (Mančhester Junajted), Pol Pogba (Mančhester Junajted), Saul Nigez (Atletiko Madrid), Miralem Pjanič (Juventus), Fabinho (Monako) thaj Kevin de Bruine (Mančhester City).

Thaj palo odova sar majšukar fudbalerija kova so isilem majbuter šajdipa bašo gol, jali fudbalerija taro angluno redo si: Serhio Aguero (Mančhester City), Karim Benzema (Real Madrid), Kristijano Ronaldo (Real Madrid), Antoan Grizman (Atletiko Madrid), Paolo Dibala (Juventus), Edinson Kavani (PSG), Kilijan Mbape (PSG), Neymar (PSG), Hari Kejn (Tottenhem), Robert Lewandovski (Bayern Munchen), Lionel Messi (Barcelona), Luis Suarez (Barcelona), Dris Mertens (Napoli), Pjer Omerik Abumiyang (Dortumnd) thaj Radamel Falcao (Monako).

But fudbalerija thaj but bare anava, numa than isi samo bašo 11 olendar ko agor e beršeskoro ka dzangol o majšukar avgo timi tari UEFA bašo 2017-to berš.


Kjani IbraimNovember 20, 2017
west-ham-24vakti-1.png

1min260

Prijavinena ki policija o timi lengoro so khelela slabo.

Prijavinena ki policija o timi lengoro so khelela slabo, Anglisko premierligaši West Hem nisar te šhurakerel te khelel ko nivo e zadačake, i ako hardzinge pobuter pare ko anibe zorarkeribe ko timi mangipaja te šaj keren pošukar o hali e timeskoro.

O popularna „Čekičija“ khuvena ki bilačhi serija jek palo jek ni o menibe e trenereskoro na stabiliziringa e Londonsko klube, keda o Dejvid Mojs alo sar alternativa taro Hrvati Slaven Bilič, kova so debitiringa gubibaja 2:0 ko misafirluko ko Watford.

West Hem isilen 3 gubime mečija ko palune 4, olengere navivačiija si holame upral lengoro timi jali klubi astarindoj taro fudbalerija sa dzi ki uprava, pli holi sikagela ko jek naobično šajdipe.

Tari Britansko policija predupredinge  e navivačhen taro West Hem te čhinaven o javiba ko numero 999 kova so koristinelape bašo itna slučhaevija, a ola buninenape bašo khelibe lengere mangle klubeskoro


Sali MemedNovember 17, 2017
Esmeralda-24vakti-1.png

3min246

Esmeralda Osmanovič Romani fudbalerka so peravela o predrasude.

Keda kerelape lafi bašo fudbali adava asocirinela kaj si muršano sporti kova so samo o murša šaj te khelen le, numa akaja Romani čhaj Esmeralda Osmanovič si čhaj kova so peravela adala predrasude thaj sikavela kaj akava sporti nane samo e muršenge, nego več šaj thaj dzuvla te khelen le.

Esmeralda Osmanovič si tari diz Travnik ki Bosna thaj Hercegovina thaj ko fudbaleskere stadionija si več 5 berš thaj resarela šuže rezultatija, dzi kote so lakiri mangin panda taro tikne berša sikavgalake o mangipe prema ko fudbali khelibaja panda ko droma e čhavencar.

„Isima 18 berš thaj trenirinava fudbali taro mre 13 berš, panda sar tikni khelava sine fudbali me phralencar thaj e čhavencar ko drom thaj adava sporti panda taro sekova vakti pašakerela ma sine“ vakerela Esmeralda Osmanovič.

Oj akana khelela bašo klubi ŽNK „Rosa Brandis“ ki diz Travnik thaj lakoro than ko tereni si ofanzivno vezno.

„Khelgum thaj ko javera da klubija, numa akava klubi si koleste me arakljuma thaj sium zadovolno me pozicijaja“ dopherela Osmanovič.

EsmeraldaOj vakerela kaj o fudbali tano lakoro avutnipe thaj dikhelape sar sukcesivno ko adava.

„Keda ačhovava korkori ko 4 zidija gndinava bašo avutnipe thaj avgo buti so perela mange ki godi si kaj mangava te kerav adava me so mangava le but, sar sarine adava so kerena, a adava si mange o fudbali“ liparga e 18-to beršengiri Romani čhaj.

Paš ko naporna treningija oj na mukhela thaj o educiribe, thaj paš ko dzandipe kaj o fudbali si lakoro avutnipe oj dela but bašo lakoro educiribe da. Gndinela kaj o dzuvla valjanena te keren but ko educiribe thaj te sikljoven thaj te peraven o predrasude bašo kova si kerde, sar so si kaj o dzuvla nane samo te bijanen thaj te keren hajbaske, te čistinen thaj javera dzuvlane buka, nego ola valjanena  but buka čhak šaj te khelen fudbali da jekhutno barabar sar so si o murša da.

Esmeralda Osmanovič apel bičhalga e ternenge kaj valajnena te ikerenpe ko sporti thaj o manuša na vakerena dzabe, sasto teni sasto ruhi, te keren buti bašo korokri peske  bašo lengere  ambicije thaj resariba thaj palo odova o sukcesije si garantirime.

izvor:Rominfomedia.rs


Sali MemedNovember 17, 2017
Siromashtija-24vakti-Copy.jpg

2min226

Fudbaleja nakhaga o čhorolipe thaj akana ka khelel sar profesionalco.

Ivan Veres si čhorolo taro Paragvajsko Asunsion thaj si jek taro 4 čhave kova so lengiri daj si korkori, ov thovela sine šoferšajme thaj mangelapeske sine ko droma te šaj parvarel pe familija.

Isile 14 berš, a dzi akana tergola sine ko droma thaj uvek e dizutnenge sikavela sine so dzanela e fudbaleja te šaj te den le po disavo dinari.

Sa adava na naklja bi dikhlo, o Khedipe taro Paragvajska fudbalerija vazdinge inicijativa te arakhen leske angažmani thaj te khelel ko disavo klubi ki lengiri phuv, dzi kote palo odova iklilo sa čhačipa keda o klubi Gvarani taro Paragvaj ko jek kova si leske manglo klubi , vikingele thaj naklja o probiba dobibaja 100 dolarija ko masek.

„Ka kinav šeja mange thaj me familijake“ liparga bahtalipaja ko hramovibe o kontrakti, numa opomenibaja ole kaj paš ko sa ov ka dzal ponadari da ko educiribe.

O terno talenti akanaske dobinga o mariba e čhorolipaja thaj sar majiportantno kurtalingape taro droma thaj mangipa, ačhola te dikhelpe dali ka ovel le ko avutnipe šajdipe te khelel ko avgo timi akale Paragvajsko klubeske thaj te kerel pobaro transferi ko klubija tari Južno Amerika, palo odova umuteja thaj baši Europa.


Sali MemedNovember 17, 2017
paris-saint-germain-1280x800.png

2min211

Transfer O fudbalsko klubi Paris Saint German jali PSG anga dekreti ko januari te biknel nekobor fudbaleren, sebepi so i UEFA dišinela lenge ki men thaj valjanena te pheren o parametre taro finansisko fer plej kova so si hramomo tari UEFA bašo transferija

O fudbalerija taro „Parko e Princongoro“ si teli istraga tari UEFA palo anibe o trnasferija taro Neymar thaj Mbape bašo bare sume.

Avgo ko transfer kurko ko nišani taro PSG si čhivdo o Argentinco Anhel Di Maria, kova so sar ale akala transferija ov si pobuter ko rezervno than thaj ov rodinga te dzalpeske, a leskiri cena si 40 milionija evrija.

Dujto ko nišani si o Lukas Moura kova si ko pobilačho hali taro Di Maria thaj leskiri suma si samo 30 milionija evrija, kova so o javera klubija šaj te sikaven baro interes.

Trito tikni suma baši bari rezerva si o Havier Pastore kova so ko jek ovda leskere uslugencar si čhivde ko transfer kurko bašo samo 30 milionija evrija.

.

Paš ko akala trin fudbalerija društvo kerela lenge thaj o Hatem Ben Arfa kova so šaj dzalpeske bizo pukibe thaj leske si več vakerdo te rodelpeske nevo klubi.



Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2019, Sa o nijamija si protektirime