Kjani IbraimNovember 22, 2017

1min258

Stolica bukjake ko pobuter pozicije thaj bizo pharipe.

Akaja stolica si anavkerdi Altwork thaj kerdi te šaj polokheste keren tumari buti thaj ma te osetinen nisavo pharipe, oj mestinelape ko pobuter pozicije sar tumen mange thaj sar tumenge i šukar.

Keda bi bešena olata isi tumen šajdipe te pružinen tumare pre thaj lokhipaja te keren tumari buti, šaj pašlojbaja da kerena buti,  numa šaj te ušten thaj te mangena ko pre thaj te mrdinenla tari jek rig ki javer.

Stolica

Akaja stolica dikhola jek sar sa o javera, numa lakere baripa si but po angle thaj tumari buti šaj agorkerenla ko sekova vakti relaksiribaja.

 


BajramRamadanNovember 16, 2017

1min280

I rig YouTube –mp3 .org kova so baro numero taro korisnikija koristinenala sine bašo perajbe thaj konvektiribe taro snimike taro YouTube ko mp3 formati, ko sig vakti ka čhinavel te kerel buti.

Akaja rig tani but popularno , a dela šajdipe e korisnikon te pretovrinen pe videa taro YouTube ko mp3 fajlija thaj te peraven len ko pro kompjuteri preka ko nekobor admija.

Internet usluga so nudinela i rig YouTube-mp3.org tani bi parengro thaj valjanela samo te kopirinen o URL linko taro YouTube thaj nekobor klikoncar šaj keren fajli ko mp3 formati. Bašo procesi valjanela tumenge 1 dakiko, sebepi adava akaja rig sine but popularno.

Taro lani berš YouTube –mp3 araklape ko adalati , o produkciska kompanije sar so tane Capitol Records, Warner Bros, Records thaj Sony Music Entertainment kola so mukle tužba, sebepi adava i rig ko sig vakti ka čhinavel te kerel buti.

Taro produkciska khera vakerena kaj našti len benefitija, sebepi lengiri rig YouTube-mp3 .org, adalea so ola dobinena preka pe reklame thaj taro lengiri buti.


BajramRamadanNovember 16, 2017
iPhoneX-sudro-1280x720.png

1min214

Angeleder nesave dive nesave korisnikija so dzivdinena ko pošudre thana dikhle kaj keda ikljona avrik lengoro iPhoneX mrznonela thaj na reagirinela ko ulavdo periodi, numa baši bah akava pharipa nane taro trjano karakteri thaj o uredija sa e korisnikongere palem šhurakerena palo odova bukaja.

Pobaro kotor olendar kontaktiringepe ko Apple, atar vakerge lenge kaj si svesna bašo problemi thaj kerena buti ko softersko hazrkeribe thaj rešibe oleskoro.

Tari Kompanija Apple vakerge kaj akava problemi iklola taro naglo menibe e temperaturake, jali kaj o Iphone X nane le nisave problemija ki temperatura ulavdi taro 0 dzi ko 35 digrija.

Te dikhelpe prema ko akava, tegani o smartfoni na bi koristinelape ko javera kotora taro Sumnal kote so majhari ekvaš berš isi šudripe, taro adava sebepi o korisinikija isilen umuti kaj i hazrkerdi verzija e rešime problemeja ka ovel mukli thaj ka ovel hazeri so posigate.

Prema ki cena kova si uči bašo Iphone X, asavko diso na valjanela te ovel le, i ako dzanelape kaj paš ko razvibe e uredeske si kerdi standardno procedura e temelno pučljaribaske bašo leskoro buti keribe paš ko pobuter hemime temperature.


BajramRamadanNovember 16, 2017

1min164

Pobuter 300 gogaver telefonija iPhoneX pobuter 300 gogaver telefonija Iphon X sine čhorde taro kamioni bašo UPS Ko San Francisko o majnevo modeli taro Apple sine čhorde taro kamioni bašo UPS Ko San Francisko o majnevo modeli taro Apple angleder te oven mukhle ko bikiba. O čhora kola panda nane astarde lele o telefonija, dzi kote o šoferi e kamioneskoro isporačinela sine ko cetro ko San Francisko.
Palo tikni bikibaskiri cena Iphone X si ko baripe maškar 999 thaj 1.120 dolarija ki Amerika, thaj palo odova gndinelape kaj I čhordi roba resarela majhari 300.000 dolarija.
I policija istražinela o slučhaj thaj  palo personija kova so kerge akava bilačhipe. O bikiba taro iphone X avdie šhurakerela ko pobuter taro 50 phuvja jek a jek olendar si , Amerika, Kina thaj Velika Britanija.
Baro udzaribe isi anglo prodavnice taro Aplle ko sumnal angleder o oficijalno šhurakeribe e bikibaja.


BajramRamadanNovember 16, 2017
stalkscan-1280x648.png

1min190

Baši privatnipe ko „Facebook“ but diskutirinelape sine ko paluno, numa akana iklili alatka anavkerdi Stalkscan kova so e korisnikonge ka kerel šajdipe te dikhen kozom lengere profilija si ranime jali protektirime.

Akaja programa koristinela „Graph Search“ thaj preka leste arakhela sa o informacije taro javer profili kova so o personi na garvgaljen sar so valjanga.

I  aplikacija kergala etičko hakeri Inti De Keukeler, a te dzanena pravilno te koristinenla ka šaj aven dzi ko pobut podatke kola bi ačhona sine garavde tumendar.

Sa so valjanela te keren si te klikninen ki aplikacija, ko than te hramonen „Facebook“ adresa nesave korisnikoskiri ko akava socijalno networko thaj angla tumende ka ikljon o podatke kola so mangena te dzanen len.

akaja aplikacija šaj te araken la ko akava linko:

Stalksan



Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime