Bahtariba taro presidenti taro SRM, Gabriel Bajram bashi 8 april
Pakivalen,
Angleder 50 bersh,ko avdisutno dive,chivga pes stembili e romane identiteteske Kote so chivdile o funde e romane nacijakere . Grupa kotar jekhajek gndipnaja kotar o 5-to dzi ko 12 aprili 1971 bersh ko London ,pharederutne kerge buti upral o bijandipe e romane nacionalno jekhipaskoro prekal o formiribe badani savo ka pasakere sa e romen kotar o pobuter raster ,ko jek thaj jekhutnikano identiteti resaribnaja basho barabarutno butikeribe savo ka ajnarel anglunipe ko maribe e mujal doshalibnaske e jekhutne dzijaneske savo jekhe lafeja si jekhutno ,numa bashoo turlija renki, turlija kultura, thaj turlija chib o bare dzijanija chivge len ko agor tari o margine gndindor so si kishle Thaj mashkar adava so sine zumavipe basho korkoro organiziribe e nacijakoro,palem 23 prezententija kotar o 9 phuvja teli I organizacija e teganutneromane komiteteske,savi si akana Internacionalno Romani Unija,organizirinela pes o avgo romano lumjakoro kongresi Saveste si ande o importantna dekretija: I gili Dzelem Dzelem te ovel oficijalno romani himna,te istamalkerel pes o anav Rom/Roma bashi sasti nacija thaj si andi decizija basho o romano barjako . Bashi Utarali Republika Makedonija akava dive lela importantno than,adaleske so prekal pire romane prezententija,sar rashtra direktno lela than ko anibe e majimportantno istorijakere decizijenge e Romenge ko sumnal. Bashi e mashardzijaneskoro dive e romengoro 8-to April,I Partija Sojuzi e Romengoro tari Makedonija bahtarela o nacionalno bidzuko sa e Romenge ki Makedonija thaj avrijal tari I phuv,ko jek bichavaja mesezi basho pashutnipe thaj barabarutnipe.
E Vizionerija ko evtavardeshto bersha sine len jek hramovutno resaribe thaj o jekhutno sine resardo barabarutnikane. Pakavibnaja ko barabarutne idealija. O rajo Amdi Bajram savo ano sig vakti mulo sar sakana akharela sine ko barabarutnipe mashkar o sa o Roma bizo hulavipe taro politikana ja religiozno preperipe .Ov vakerela sine so salde barabarutne takatencar sa e Romengere shaj te resaren pes rezultatija . Adaleske thaj akana ,basho nishankeribe o 50 bershipe kotar o ikeribe e avgo kongreseskoro,mangaja te bichava apeli dzi ko sa o politikane partije thaj biradzakere organizacije soleja o jekhutnikano respektiribe thaj jekhajekhutnikano ka del pobaro prosperiteti, soske amaro dzijani adzikerela thaj pakjala ko sarine amen.Akana si vakti te chinava o fragmentacije thaj o konfuzije chivindo ko avgo plani o individualna interesija. O Kolektivi na valjani thaj nane zaruri te adzikerel.
Adaleske akharaja ko barabarutnipe thaj mashkarjekhutno pomashkaribe soske o bersha sigo gejnena pes ,numa ten a mukha ko bersha save so avena ten a oven rezultatija , soske o dzovapjalipe ka ovel sarinengoro amaro. Prezidenti : Gabriel Bajram
