Jek NBA igrači penga: NA ŠIŠINAVAMA TE ŠAJ GARAVAVA PARE
Jek taro majsukar košarkari ki NBA liga, Stiven Adams palem asakerga ple fanen, ama okolen da so mangena o sport.
“Mukava te bajron me bala taro finansiska buka. Trebela te dav 50-60 dolarja baši šišibe sekova masek, na verujnelape mange kobor i skupo. Sikirinavama samo te garavav pare.” Penga o Stiven Adams.
Normalno sa akava tano šala, Adams isi le kerdo pare 111 milionja dolarja ki pli karijera. Baši šišibe ka trebel le samo 500-600 dolarja ko berš.
