Šaban Saliu dži ko simpatizerija: Ko Šuto Orizari zaruri si sigurna droma thaj rošakerde maale
D-r Šaban Saliu, kandidati bašo dizjakoro šerutno ko Šuto Orizari thaj prezidenti ko Romengere demokratikane takatija (RDT) erati sine le arakhibe simatizerencar thaj džene taro RDT, kote so po detalnikane kergja lafi bašo direko „infrastuktura thaj urbanikano bajroibe“ tari alusaribaskiri programa. Sine prezentirime thaj o konkretnikane napija (merke) bašo sigutno thaj transparentnikano infrastrukturakoro nevarkeribe, akcentea ko dizutnengoro arakhibe thaj jekhajek mahalengoro bajroibe.
Ko po lafikeribe , o d-r Šaban Saliu vakjergja kaj i komuna zaruri si te kerel e dizutnenge o fundavna standardija bašo pošukar dživdipe: asfaltirime thaj konektirime droma, sigurnikane phiribaskere droma thaj publik thana save so ka oven arakhle – ulavdeste ko sikljovne, čhavorikane khera thaj kurke. Ka ovel dinamikano plani bašo sigitne rekonstrukcie ko mahale vizuelnikane raportija datumea bašo agorkeribe bašo sakova proekti – evidentija save so dikhena pe.
Ulavdi sama sine dendi bašo phuirutnengoro siguriteti kerindoj koridorija kote so ka paldel pe vordija pohari thaj vizikane bariere, dromengoro rošakeribe thaj videonadzori ki koordinacija e policijaja. Džipherdeste ka keren pe edukacijakere kampanje kote so o sikle ka oven „tikne ambasadorija bašo arakhibe“
„Ko Šuto Orizari zaruri si infrastruktura napencar thaj redoja. Amari programa isi la jakhdikhle rokoja thaj buti ko Šuto Orizari. Amen na daja lafi, amen keraja . Adaleske akharava tumen te mobilizirina amen , bašo hango so šunela pe thaj evidentija save so šaj te dikhen pe – rotaker 24“ vakjergja o d-r Šaban Saliu.
