O kandidati basho sherutno ko Shuto Orizari taro Romengere Demokratikane takatija (RDT) d-r Shaban Saliu, ko video mesazi dzi ko dizutne akharga ki promena bashi politika ki akaja skopsko komuna thaj alusaribe drom so anela konkretna rezultatija e dizutnenge.

„Pakjava kaj amare chave ko Shuto Orizari zasluzinena povishe. Bash adaleske valjani te kjera I promena“ preporacinela o Saliu ko video, naglasibaja kaj agorkerdo vakti tano te mukhelpe I logika „partija bashi funkcija“ thaj te birinelpe „drom kova legarela dzi ko konkretna kjerde bukja“

Ko video vakjeribe, o Saliu naglasinela kaj I doverba e dizutnengiri ka iranel la merliva rezultatencar thaj otcetnost ko sekova cekoro.

„Na dava lafi basho cudija, dava lafi bukjake so ka ovel dikhli thaj odgovornost so cuvstvinelape . Palo 19to oktomvri ka kjeren lafi o delja“ Vakerela o Saliu.

Ov vakerela kaj I komuna valjani te iranelpe ko dizutne.

„Shuto Orizari povishe nane te ovel nekaskiri privatno scena, ka ovel tumari komuna“, bichalela mesazi dzi ko za o dizutne ko Shuto Orizari , o pretsedateli taro RDT thaj kandidati basho sherutno, d-r Shaban Saliu.

Saliu bichalela jasno akharibe bashi mobilizacija ko alusaribaskoro dive: „Rotaker o numero 24- NA DAJA LAFI, AMEN KJERAJA.“