Ki Radzi sine prezentirimi i swot analiza tari Strategija e romengiri thaj lakere akcionia planija 2022-2025 sostojba thaj predizvikija
Avdive, ki Vlada tari Republika Severna Makedonija, ko butikjeribe e United Nations Office for Project Services (UNOPS), ko učo nivo sine prezentirimi SWOT analiza kjerdi taro eksperti Eben Fridman, angažirimo preku proekti taro UNOPS. O nastan sine kjerdo ko prisustvo e ambasadorenge, ministrija, pratenikja, direktojra taro institucije, sar hem pretstavnikja taro državna organja, mashkardzianengere organizacije […]
Avdive, ki Vlada tari Republika Severna Makedonija, ko butikjeribe e United Nations Office for Project Services (UNOPS), ko učo nivo sine prezentirimi SWOT analiza kjerdi taro eksperti Eben Fridman, angažirimo preku proekti taro UNOPS.
O nastan sine kjerdo ko prisustvo e ambasadorenge, ministrija, pratenikja, direktojra taro institucije, sar hem pretstavnikja taro državna organja, mashkardzianengere organizacije thaj gragjansko sektor, so denga osobeno važnost thaj institucionalno pharipa.
I cel sine te pretstavinenpe o klučna bukja tari analiza, save sikavena i momentalno sostojba thaj o shajdipe hem predizvikja ki oblast tari inkluzija e Romengiri, sar hem te prezentirinenpe o konkretna preporakje so ka služinen sar osnova basho anibe strateshka odluke thaj unapredibe e implementacijake tari Strategija bashi inkluzija e Romenge 2022-2030.
O prisutna uče pretstavnikja aktivno ukličingepe ple komentarencar thaj predlogja, kote so sine naglasimi i potreba tari zasilimi mashkarunstitucionalno koordinacija thaj kontinuirimo jek a jek butikjeribe.
Akava nastan pretstavinela značajno čekori dzi ki poefektivno implementacija basho strateshka prioritetija thaj potvrda basho takatikano butikjeribe e UNOPSeja ko drom basho poshukar uslovija bashi romani khedin, vakerena taro kabineti bizo resori bash implementacija tari Strategija e romengiri 2022-2030 bersh
