Aja Sofija avdije sine i pravo Đuma palo 86 berš

O Instanbul avdije tano pherdo taro mijla muslimania. Phanda ot erati, uđarena sine te kuven ki đamija  Aja Sofija, avdije palo 86 berš sine ikerdi i prvo đuma. Sa sine spremno, verska thaj hristijanka slike, maškar lende sine slike tar i  Marija thaj Isus, sine učarde bare draperencar.

Trin imamia ikerge i đuma, jek lendar tano profesori aso religiski studii. 11 kontrolna punktia uđargapes redo baš đuma. Delingepes maske thaj seđade, maro thaj čaj te šaj ikerenpes taro tato vakti. Hazrakerena tar telma 360 milja muslimana isine ki đuma. Maškar lende sine thaj o Erdogan, kova sine ađikerdo tar baro aplauz.

Pravoslavno sumnal mangena te phenen aso Erdogan ma te kerel jek vrsta taro krstonska vojna. Numa o Erdogan adava suverno pravo tari phuv. Grcija najviše protivinelapes, phenela deka rasturinelapes o hrsitijansko religiozno čustvo, taro SAD reagiringa thaj o grčko episkopi.

„Aja Sofija“ sine najbari hristijanko crkva, kerdi tani ko šhovto veko taro Vizantia, a ki đamija tani pretvorimi palo osmalnisko osvojba aso Carigard, ko 1453 berš. Numa, o potpis asi odluka te ovol muzej čivga o Kemal Atataurk ko 1934 berš thaj adaleja phiravela nadež bašo moderno sekularizam ki Turcia, Numa, o turska islamistia uspenge te ciden  leskoro potpis aso Vrhovno sudo angleder duj nedele.

Edvin Azirovik

https://24vakti.mk

Related post

Leave a Reply

Your email address will not be published. Required fields are marked *