Avdije agorutno roko bashi dejba o kandidatska liste baši Parlamentarna alusariba 2024
Avdije si agorutno dive kana kamlape o politikane partije thaj javera te den ple kandidatska liste dzi ki Rashtrakiri alusaribaskiri komisija.
Pobuter politikane partije kerge ple liste bashi Parlamentarna alusariba ko politikano bloko thaj partcipientija Roma save so ka oven ko akala liste isi nekobor partije thaj koalicije save so ka den Rom kandidati ko alusariba.
O SDSM ki pli lista ki alusaribaskiri jekhin 2 ka ovel o kandidati Asan Ferat taro OO SDSM Shuto Orizari, Ko VMRO DPMNE ko 12 than ki alusaribaskiri jekhin si o Erdjan Demir taro OK VMRO DPMNE ŠUTO ORIZARI.
Tari javer rig akava bersh avgo fori jek romani partija ka dzal ko alusariba albansko partijaja thaj odova i partija taro Kurto Duduš koleja so ka koalicirinel e DUI ko Evropsko front 2 Alusaribaskiri jekhin i Fatima Osmanovska presidentka tari UNIJA E ROMENGIRI ka ovel ko 6 than ki lista tari koalicija Evropakoro front. Ki kolacija Hrabro bashi Makedonija kote so si GROM, INTEGRA thaj PCER ki 5 alusaribaskiri jekhin odori ki lista legarutno ka ovel o Samka Ibraimovski presidenti ko PCER dzikote ki 2 alusaribaskiri jekhin ko 3 than ka ovel o Simbat Emin taro PCER.
Akanaske akala romane partije prezentiringje ple kandidatija Roma ko liste bashi parlamentarna alusariba 2024.
Dzi k o 00:00 o saati erat silen fora o politikane partije te den kandidatsko lista bashi parlamentarna alusariba so ka ikerenpe ko 08 maj 2024.
