Delegacija taro DSR ko arakhibe e lidereja taro VMRO DPMNE
Sebepi 8-to April, e Romengoro maškardžijaneskoro dive, delegacija tari partija Romengere demokratikane takatija, legardi taro prezidenti d-r Šaban Saliu, teli prezidenti Ajduvan Mamudov thaj generalnikano sekretari Bajram Kurteši, kergja pe arakhibe e prezidenteja taro VMRO DPMNE, Kristijan Mickovski. Kergja pe lafi baš o problemija kolencar so khuvena pe o Roma sar thaj pošukar keribe e romane kedinakoro hali thaj lengoro integriribe ko raštrakoro sistemi. Maškar javer, barabarutno sine konstatirime kaj o Roma dživdinena ko margine taro sasuitnipe , uče digraja, čorolipe, bibukjarnipe, supstandarnikane dživdipaskere šartija bizo fundavne dživdipaskere šartija.
E solduje rigendar sine phandimo kaj e avutne Radžaja taro VMRO DPMNE ka keren pe ulavde takatija te keren pošukar o hali e romane kedinake arakhindoj sistemikane čhinaviba thaj kreiribe politike resarinasa te kerel pe e Romengoro bajroibe thaj angledžaibe .
