Dujto krugo lokalna alusariba ko Shuto Orizari

Purano kurko ko 31 oktomvri 2021 ki RSM ka alusarelpe i dujto krugo taro lokalna alusariba 2021. Dujto krugo ka ovel thaj ki komuna Shuto Orizari. Bashi dizjakoro sherutno ka prastan duj kandidatija Kurto Dudush taro koalicija ODLUCNO prikluchise legardi taro LDP-DOM thaj Ferat Asan Sdsm Koalicija. Ko dujto  krugo khuvgje Ferat Asan kote so sinele pobuter taro 1000 avazija taro Kurto Dudush.

I kamapanja bashi dujto krugo naklja ko licna navrediba thaj prefrliba vina jek jekeske preku socijalna mreze.

I SDSM thaj koalicija romane pratijencar kote si thaj PCERM, OPER, thaj o albasnko politichka partije DUI, BESA thaj DPA beshena palal ko kandidati  Ferat Asan , dzikote tari  koalicija ODLUCHNO prikluchise legardi taro DOM- LDP akanske oficijalno naelen saporti taro javera politikane partije.

Dzikote sine javno povik taro kandidatit Kurto Dudush bashi prikluchiba taro kandidati tari LEVICA bashi Shuto Orizari Tefik Mahmut  akanaske nae nisavo djovapi kaske ka prenasochinel te glasinen leskere glasachija.

Trujal bashi dizjakoro sherutno ko Shuto Orizari ka alusarelpe thaj jek alusaribaskoro than 2957/1 ja o drom Brsjachka Buna 61 pa naupre thaj o drom Brsjachka buna bb.Akava alusaribaskoro than kote so isile 655 manusha bashi avazi dejbe , shaj te promeninel o sovetnichka thana ko Shuto Orizari. Akate ka glasinelpe bashi Sovet taro Shuto Orizari thaj bashi sovet diz Skopje.

Dikindoj kaj ote isi pobaro kotor Roma so dena plo avazi  adzikerelape romane sovetnikija savesi akana 13 te oven ko 15, soske trebno lenge minumanlo numero taro avazija bashi Koalicija ODLUCHNO prikluchise te lel je mandati pobuter taro DUI ja te ovelen 5 Dui 3  dzikote o SRM trebno leske jekajek agjar nekobor avazija bashi sovetniko te ovelen 3 dzikote  koalicija AA-AAA ka oveen 1 sovetnko.