Huawei музички стриминг сервис пристигнува во Европа

Со оглед дека Huawei веќе не може да се потпира на услугите кои ги нуди Google, активно бара алтернативи. Покрај сопствената продавница за апликации, кинескиот производител полека ги покрива и другите услуги кои ги нуди Google.

Музика на струја
На ред дојде музичкиот стриминг сервис кој ќе биде преинсталиран на новите Huawei и Honor модели на телефони. За да го обезбеди тоа, Huawei се здружи со Squid, музички стриминг сервис кој е достапен на Android веќе долго време, но не беше претерано популарен. Соработката со Huawei, на тој начин ќе биде на взаемно задоволство, бидејќи Huawei без многу напор ќе добие музички стриминг систем, а Squid дефинитивно ќе добие на популарност, а покрај тоа сега е достапен и во Европа.

Huawei Music app е веќе достапна на повеќе јазици и има солидна количина на содржини, а може да се преземе од HMS. Корисниците кои немаат Huawei (или Honor) телефони, исто така ќе можат да ја употребуваат оваа услуга. Доволно е само да ја симнете апликацијата од официјалната веб страница.

Апликацијата, покрај стриминг музика дозволува креирање листи за репродукција, преземање музика за офлајн преслушување, како и неколку опции кои Huawei самиот ги дизајнирал, а цената на услугите е 9,99 долари месечно.

Извор: denar.mk

Musa Asanovski

https://24vakti.mk

Related post

Leave a Reply

Your email address will not be published. Required fields are marked *