I Germania anela zadolzitelno test bash koronavirus sarinenge save ka khuven ki akaja phuv
O Test bashi korona virus sarinenge save so ka khuven ki Germanija ka ovel zadolzitelno tari Sabota, vakergja avdije o germansko ministeri bashi Sastipe Nens Shpan. Ov vakergja sebepi so ki Germanija isi 1045 zarazime e covid 19 savo si avgo fori te ovel pobaro numero taro 1000 ko agorutne 3 masekoja.
Tari nakla sabota kerelape bizolovengoro testiriba bashi sa o mashkardzijaneskere putnikija save avena ki Germanija.
Shpan pakjala kaj o baripe taro koronavirus bashi pozitivna dizutne save so iranenape ki Germania si bashi so na sajdinena o merke thaj i fizichko distanca.
