Unija e romengiri oficijalno ki koalicija Evropakoro front
Erati o Kurto Dudush dizjakorosherutno ki komuna Shuto Orizari thaj leskiri partija Unija e romengiri legardi taro presidenti Fatima Osmanovska trujal socijalna mediumija palo odova thaj ko haberija ko Tv CLAN Makedonija, lipargja kaj akava kurko adzikerelape te vashramonelpe ko Shuto Orizari i koalicija mashkar Dui thaj Unija e romengiri ki koalicija anaveja Evropakoro front.
Aso vakeriba ko mediumija i karana/prichina bashi khujba ki akaja koalcija si upreder 30 bershengoro makedoncengoro nainteresiriba bashi romano puchiba thaj stagnacija ko romano dzajba anglal ko sasoitnipe. E Ali Ahmete dikava sar manush savo so najshukar ingarela ple dzijane kori ko evropakere vrednostija odoleske mangava me te ovav sar leste mire romane khedin/zaednica te ingaravla ko adava drumo. Dujto amen sijam kurtuloshko, religisko but popashe e Albanconcar thaj isijamen khedimali vizija, vakergja o Kurto Dudush ko TV CLAN kana oficijalno vakergja kasaja ka koalicirinel leskiri partija Unija e romengiri ko parlamentarna alusariba 2024 bersh.
Taro javer aspekti amen veke koalicirinaja ko lokalno digra hem odova shukar soske te na kerala ko centralno digra o Roma te diken inkluzija hem integracija ko institucije amencar panda pobut a dobinel i koalcija plus 8000 milje manusha savo ka ovel pobaro shajdipe bashi pobut deputatija ko parlamenti vakergja Kurto Dudush bashi 24 vakti.
Aso neoficijala informacije Unija taro Roma ka lejaren o 6 than ki kandidatsko lista bashi deputatija ko Alusaribaskiri jekhin 2, sar thaj ministersko than sar thaj direktorko thana. O shajdipe te khuvel dzuvli dela shajdipe te kanditirninelpe i presidentka ari akaja partija Unija e romengiri
O DUI angleder veke hamongja koaliciono panlolafi panda 3 albansko partiencar o izvorija vakerena kaj panda jek khorani partija ka kuvel ki koalicija e DUI odoleja so ka keren evropsko koncept taro partije.
