Nekobor kandidatija Roma ko liste ko parlamentarna alusariba 2024
Ko 2 April agorkergja o dejba kandidatska listijja dzi ko Rastrakiri alusaribaskri komisija
dengjepe 17 liste taro koalicije thaj politikane partije bashi parlamentarsko alusariba 2024 koleste vakertuke sa o Romane partije denge po nekas ja si ki koalicija nekasaja.
Ki koalcija legardi taro SDSM isi nekobor romane partije late thaj odova Sojuz e romengoro, PDPR numa thaj taro OO SDSM Shuto Orizari isi kandidati ko alusaribasko jekhin 2 thaj odova ko 7 than si o Asan Ferat. Ko VMRO DPMNE thaj koalicije ko alusaribaskiri jekhin 2 ko 12 than ki lista si o Erdjan Demir presidenti taro OK VMRO DPMNE SHUTO ORIZARI taro romane partije ki koalicija si DPR, DSR,OPE, thaj ROM taro romane politikane partije.
Dzikote ko DUI thaj koalicija Evropkaoro fronti si i partija Unija e Romengiri thaj kandidati bashi deputati ki lista si Fatima Osmanovska thaj si ki alusaribaskiri jekhin 2 ko 6 than ki lista, taro javera kanddatija bashi deputatija ki parlamentarna alusariba 2024 si thaj i koalicija Hrabro bashi Makedonija koleste si o PCER thaj odova isilen nekobor kandidatija bashi deputatija ko nekobor alusaribaskere jekhina.
Vakribaske si kaj o lideri tari akaja partija o Samka Ibraimovski si legarutno ki alusaribaskiri jekhin 5, dzikote isile ki lista ki 2 alusaribaskiri jekhin ko 3 Simbat Emin thaj ki 5 isi rormani dzuvli. Tari lista taro NOVA DEMOKRATIJA ki lista ko alusaribaskiri jekhin 3 si o ko trito than o Gege Demirovski.
Dzikote tari javer rig akava bersh korokori ko alusariba ple listaja ko parlamentarna alusariba 2024 bersh dzana i politikani nevi romani partija AVAJA koleja mukle listija ko alusaribaskere jekhina 3,4,5,6.
O alusariba ka ikerlpe 8 maj 2024 taro 18 maj shurarkerela i kampanja.
