O HAKERJA KUVGE KO KAMERE KO SAD
Jek hakersko grupa lele i kontrola ko kamere taro sastipaskoro kher, sikljovne, firme thaj phanlipaskoro kher ko SAD.
O AP penela, ola avgo kuvge ki Amerikansko firma „Verkada“. I firma Verkada vakerga deka istražinela o kuvibe thaj penga e policijake basi odova.
O Švajcarsko hakeri Til Kotman, jek tari grupa ko anav „APT-69420 Arson Cats“, penga deka tikni grupa taro hakerja homoseksualno orientacijaja kuvge ko kamere, pali odoja grupa na besela nisavi phuv, thaj lengiri resarin sine samo zabava.
O AP vakerela deka o hakerja sine len šajgipe te diken iljada kamere ko đivdipe duje divenge, ko but hošipa thana sar soj tane, sastipaskoro kher thaj sikljovne.
Nesave taro thana tane fundavno sikljovni Sendi Huk ko New Town, Konektikat, kaj so sine 26 čave thaj 6 sikavutne sine mudarde ko jek taro majbut teroristicko atako ki istorija taro SAD ko 2012 berš, ko thana tari Tesla thaj phanlipaskoro kher Medison ki Alabama, vakerela o AP.
Izvor: denar.mk
