Romano politichko haos bizo shansa neve manushenge
➡️Panda nashti sfatinava Politichka partije jeke manusheja ustvari hem jek teh. Administratori ko fb😀 sar so mangena te pisinen. ➡️Politichka partije bizo nesavo legitimiteti ko narodo. Osven fb slike nekasaja samo zaradi Marketing te diken demek eke nesto kerena, a naelen poddrshka bukvalno taro 10 dzene dzi okola soj pashe familija lenge, namangenalen hem svesna […]
➡️Panda nashti sfatinava Politichka partije jeke manusheja ustvari hem jek teh. Administratori ko fb😀 sar so mangena te pisinen.
➡️Politichka partije bizo nesavo legitimiteti ko narodo. Osven fb slike nekasaja samo zaradi Marketing te diken demek eke nesto kerena, a naelen poddrshka bukvalno taro 10 dzene dzi okola soj pashe familija lenge, namangenalen hem svesna deka naesposobno.
➡️Politichka partije jeke lidereja 20 bersh napredok bari nula ni ko ple kapacitetija te izgradinen ni nesavi idelologija te sirinen.
➡️Ki politika khuvgje soske shungje kaj ako sijan ki politika ote I mokj o pare o avtoriteti.
➡️Politichka partije so mislinena kaj panda tane faktorija, panda shungjola o lafi lengoro, isilen clenija niz Makedonija….
➡️ Politichka partije save isilen po 40 ogranokija posebno sarinen iklola kaj isi 200 000 Roma ki MK. Ola ustvari isilen po jek manush ki sakoja diz hem odova dali henamik, amal tari vojska, henamikeskoro henamik jek puti ko bijav araklepe ili pa ki nesavi dzenaza ili sl.jeke dikibaja…
➡️Politichka liderija save mangena nesto nadzanena so mangena, samo narechime liderija kola so korkori peske dena vaznоst kaj ola vredinena…
➡️ Politichka partije……………. but isi …
– Alo alo alo…. Ajde muken sa akaja fama iranentumen ko realnost.Keren buti kote sijen najshukar prodavachija, biznismenija, direktorije ko tumare firme, kriptovalute, rabotnikija vrz osnova tari tumari edukacija itn bukja..
Den Vas akana ternenge oven tumen i promena ma preregistrinen vishe o Politichka partije tumare. Muken than nevenge pridruzinen tumen lenge… Achoven ki istorija sar manusha so pochminge nesto so mangle te keren inkluzija ko Roma hem dodusha kergen diso za razvoj. Ma dzan ki penzija so prezir loshnipaja taro narodo nego dostojno pochitime.
- Sekova pocetok isi kraj.
Ma bistren ale hem gele tari politichka scena Branko Crvenkovski, Ljubco Georgievski, Nikola Gruevski , Zoran Zaev, Amdi Bajram thaj……
Oven saste sa so kergen SA Akana nevi era digitalno zeleno agenda kote so nashti snajdinena tumen ki era taro PC ki era taro digitalno educirimo kadar.
O Zorale vilice akana smeninepe e tastaturaja- Baranje, proektija, rodiba, ostro ton ko pisiba, oratorstvo neve dimenzijaja thaj vokabulareja.
Terensko aktivnost neve metodaja thaj mehanizam. O Rodibe o promene pametno, gogaja vrz osnova taro faktija na tari shkemba thaj but metode……
- Odoleske den than oven liderija dzi ko krajo mesto romani platforma tumen te organizirinen keren odova nudinen ternen te len o vodstvo. Keren promene….
– Spored mande manusha save trebno te dalen shansa sar Politichka partije ja liderija Elvis Memeti , Tefik Mahmut, Ekrem iljaz Kucoo Kurto Dudush , Sead Ismail taro dzuvlja Fatima Osmanovska, Lolita Hasan, te MAGLE shukar ka ovel Ferki Demirovski, Vaska Bajramovska Mustafa O Chave tari AVAJA.
– NEDELNO RAZMISLIBE BASHI ROMANI POLITICHKO SCENA KO MOMENTI MOTIVIRIMO TARO FB NAJAVE TARO ROMANE POLITICHKA PARTIJE THAJ AGJARKORKORI VAKERDE LIDERIJA
Miro stavi
Sali Memed
