Video- Kurto Duduš – Kuco“ o Dizutne pendžargje o realiteti tare fantaziakere dende lafia“
O kandidati taro LDP-DOM o Kurto Duduš -Kuco lela i viktoria bvaši purano nevo šerutno e Komunake Šuto Orizari angleder o dujto kandidati taro SDSM o Asan Ferat kova ki avgo rota taro alusaribe sa anglo Duduš paše mila vote poupre.
O iranibe ki dujto rota paše 2000 mile vote ko konto taro Duduš kuvgje taro kandidatia kola so iklile ki avgo rota taro lolkanikane alusaribe, a dži kote o Ferati lilja na pobuter 200 vote.
O purano nevo šerutno e Komunake Šuto Orizari o Kurto Duduš- Kuco baši o romano portali Euromapres, ko avgo dakikia taro džandipe kaj ka lel i viktoria ko akala lokalnikane alusariba dengja avgo havljaripe :“ Sikavgem e dizutnen te ceninen i buti e manušeskoro. 25 berš amen pakjaja sa ko fantazie thaj iluyie. Akana o dizutne dikela realno buti thaj realno proektia, Akala investicie kola so ale ki Šutka našti a te na oven dikle, sasti Šutka si raskopimi, gradinke, škole, droma, parkia, kanalizacie. Akava si o recepti tari miri dujto viktoria thaj o pakjabe so dengejam mire dizutne.
Trujal akaja leskiri viktorija vi agjar o LDP-DOM lilja panda jekh konciliereskoro than, pala ko dejbe prestavka dži ki TAK, baši so ko jekh alusaribaskoro than paše 90 alusaribaskere listonge na sine kuvdo tamponi.
Akaleja o LDP-DOM ka ovele 5 dži kote o SDSM ka ovel 4 konciliria ki Komunakoro Koncili.
So legarelape ko kandidati o Asan Ferat amari ekipa so sine erati ki Komuna Šuto Orizari nekobor droma rodingjale baši havljarin mare portaleske, numa na sine nisavo dendoo džovapi lestar jali taro leskoro timi.
