Avdive si e romane čhibakoro dive
O jekto avgo drom e romane čhibakoro dive kerdilo ko 5 novembar 2009 berš ano Zagreb, i iniciativa ali kotar i romani organizacija Kali Sara.
Jek berša palo odova, sine jek simpoziumi thaj sine reprezentantija kotar but phuvja. Ote ratificiringja pe jek deklaracija kori so rodela pe kotar sa o thema/phuvja upri roman čhib te dikhel pe sar pe o avera nacionalno minoritetno čhib. Vakergjape pe thaj o 5 novembar te ovel e romane čhibako dive sakote kaj so isi Roma.
Ko 7-to novembar 2015 berš o generalno khedibe ko UNESCO lela o proposalo kotar I Kroacikani phuv thaj o 5 novembar kerdilo oficialno romane čhibakoro dive ko sa o Sumnal.
Arakhem tumarri dajakiri chib agjar arakelape indetiteti, tradicija, narod, kultura thaj integracija, hem inkluzija ko sasoitnipe…
Tim 24vakti
Bahtalo o dive e romane chibakoro 5 novembar
