O kandidati bašo dizjakoro šerutno ki Komuna Šuto Orizari thaj prezidenti ko Romengere demokratikane takatija (RDT), d-r Šaban Saliu, erati sine le arakhibe e penzionerencar tari komuna sebepi e phurengoro Maškardžijaneskoro dive. I resarin taro arakhibe  sine  dijalogo bašo zaruriba taro majphure thaj prioritetengo  prezentiribe bašo sistematikano saporti, aktivnikano dživdipe thaj majbaro arakhibe ko mahale.

“Ko phurengoro Maškardžijaneskoro dive liparaja amaro pakjaibe  kaj sakova penzioneri si le siguriteti, sajdibe thaj sama-sakova dive , a na salde avdive. Alusaribaja o gendo 24 ko lokalnikane alisariba ka kera pobut programe, aktivitetija thaj saporti e majphurenge. Vakti si te irana e phure generacienge kotor kamipe thaj sa adva so ova dengje amenge” vakjergja o d-r Saliu.

Ko arakhibe sine prezentirime kotor katar prioritetnikane  programe,  planirime taro d-r Šaban Saliu, a adava si diveskere thaj klubeskere aktivitetija e penzionerenge, mobilnikano servisi bašo kherutno saporti, preventivnikane  sastipaskere punktija kote so ka kerenpe bilovengoro matipe thaj konsilija, subvencie  baši kulturnikane čhipote, sar thaj programe bašo maškargeneraciengoro silidariteti thaj digitalnikano alfabeti.

d-r Saliu, vakjergja kaj prioriteti ka ovel thaj kalendari taro aktivitetija ki kolaboracija e penzionerengere organozaciencar, transparentnikano realiziribe thaj direktnikani čitra thaj sigutni intervencija  baši komunakere službe ki čhipota kana isi sigutne zaruriba taro penzionerija.

“Amarti vizija si jakhdikhli – aktivnikano dživdipe sakone penzionereske ko Šuto Orizari evidentencar thajprezentioribe anglal o dizutne”, džiphergja o d-r Saliu.