I Bugarsko CIK cigja o agorutne rezultatija taro alusariba

I bugarsko centralno misija chigja o agorutne rezultatija taro alusariba taro kurkjeskere parlamentarska alusajra.

Ko pratenicka mandatija adava dikhola agjar:I partija taro premieri ko dzajba Boris Gerb ka ovel 75 pratenikija,”Isi asavke manusha” ko show kerela Trifanov 51,Socijalisticko partija tari bugarija 43,Phiribaskere prava thaj sloboda 30, Demokratsko Bugarija taro ex ministeri basho prava Hristo Ivanov 27,,Kergja sa” bashi ex manushengjiri pravobranitelka Maja Manolova 14 pratenikija.

Asavko rediba basho sile nikas na angje ko adava te kerel korkori vlada,a mashkarutne shajkerde kombinatorike na dzala lengje lokheste isto e analiticarengje kola so pherena o televiziske studije panda taro sabalutne arija adaleske kova so ka khuvel ko keriba bashi I nevi bugarsko vlada.Ola na chinavena o keriba,I bugarija maj sig te dzal vadzi ko jek parlamentarsko alushariba.

Havelape,o cutiba kerela cacikutno nehavajba,bashi o cutiba ka iklol nesto javer kote so ovela palo havljardo rakurs,Rosen Karadimov-Politikolog.

-O manusha brishinge pi buti,palo sa akava acola I buti e politicarengje thaj mislinava palo sa akava ka ovel sukar te iklova akatar.Isi hipoteza basho i malcinsko vlada.O baro puciba si o politicajra te keren te havenpe vakergja o Antoni Glbljiv-Politikolog.

O premieri ko dzajba Borisov pred 2 dive frdingja I rukavica-numa ko Trifanov te del le 10 pratenikija numa sa o partije te mangen te glasinen basho narodno sobranie.

Ko predlog Trifanov oglasingjape e staveja adalea so ki akaja situacija ingarenape odredbe ko ustav thaj pishinenape adalea procesea.Borisov mashkar o vakti ikalgjape taro pratibaskoro mandati.

Kana sem ko ustav,o process trebela te ikalelpe agjar:Palo chijba o anava e pratenikongoro ko 45-to bugarsko sobranie,so trebela te ovel akava kurko,iklola o drom basho e predsedateleske ki phuv,ko slucaj Rumen Radev.

Radev isi le pravo te vracinel 3 mandatija ko keriba vlada ko prva duj partije kola lele maj baro glaso.Numa ako irange e mandate ko jek taro politicka partije taro nacionalno sobranie.

Ako o trito mandati nae te ovel shukar  ov mukela o parlamenti,thaj kerela vlada bashi kobor ikeribaske

haingo:Бугарската ЦИК ги објави конечните резултати за изборите

 

Dzulia Selim Memed

https://www.24vakti.mk

Related post