Jekh “labavo” čhat šaj te kerel tut te ove žrtva palal kinobikinipe manušencar( Video)

Hey! Cyber trafficking si jekh taro majmodernikane forme taro kinobikinipe čhavencar thaj čhajencar!
An akava videokeripe lele than grupa sikljovne taro maškarsikljovlina o SOU “Orde Čopela” thaj SOU “Gjorče Petrov” taro Prilep, sebepi te bičhalen poraka kaj trubul te arakha amen sar sikavaja amen ko socijalnikane mreže thaj kasar lafi keraja.

I Kampanja “Inforrmirin tut! Sakova šaj te ovel viktimi“ tani kotor taro proekti “Savore khetane bašo čhinavdipe o kinobikinipe čhavencar thaj čhajencar”, implementirimo tari RADŽ “LULUDI”, ko sombutjaripe e ADDR Sonce- Tetovo, Združenie bašo multietnikano amalipe baši manušikane nijamia -Štip, DROM – Kumanovo, Roma Perspektiv – Prilep thaj Romaverzitas- Skopje.

O proektengere aktivitetia tane kerde pe direktno sombjutaripe e maškarsikljovlina: : Nikola Štejn -Tetovo, Orde Čopela – Prilep, Gjorče Petrov- Prilep, Dimitar Mirasčiev – Štip, Kole Nehtenin- Štip, Jane Sandanski – Štip, Pero Nakov- Kumanovo, Šaip Jusuf – Skopje thaj Arseni Jovkov – Skopje, thaj dumo dende o komune: Diz Skopje, komuna Tetovo, komuna Štip, komuna Kumanovo thaj i komuna Prilep.

Akava video si kerdo taro khetaneskere fondia tari Europakiri Unia thaj o Europakoro Konsili.
An nisavo drom o sikavde dikhipa na trubul te oven haljovde sar dikhipa e Europakoro Konsili ja e Europakiri Unia.

Produkcia, editiripe thaj audio: FAN Production, Prilep.

I beršeskiri programa tari RADŽT “LULUDI” tani suportirimi tari Civica Mobilitas. O gndipa sikavde akate nae o stavia tari Civica mobilitas, SDC ja javera implementakere organizacie tari akaja programa.

*Ano videokeripe sine respektirime o protokolia thaj merke bašo arakhipe taro Kovid 19.

Pobuter informacie: https://bit.ly/2QYoAFR

Dikhen o video

Related post