Panda reakcije taro politicharija bashi sar nkla o Hramovibe thaj i Romani khedin
Na cidenape o reakcije panda taro Hramovibe 2022 bersh ki Utarali Makedonija tari sekoja rig piro personalno stavi dengje thaj I Deputatka ko Khedipe ki Utarali Makedonija I Ljatifa Shikovska savi so ko Piro Fb profile vakergja,
“Personalno na pakjava ko chachutnipe taro numero thaj procenti ko Roma, numa akava na vakerela kaj isima somnez thaj ko Kanuni bashi Hramovive savo so dengjup teloikeriba.
Mlo napkjaviba thja somnez si kori I implementacija taro Kanuni thaj analiza ko nasaste khedime evidentija ki Khedin ko Roma . O podatokija ni pale si mange logikane, ni palem satatistikane ikerde , asavke sar soj nae mange teloikerde ni palem mange chachutne”, vakerela I Ljatifa Shikovska deputati ko Khedipe ki Utarali Makedonija bashi o Hramovibe 2021.
Pli reakcja bash o sasto process basshi Hramoviba isi thaj ko Elvis Memeti konsilidejbaskoro manush ko Premieri ki Radzi ki Utarali Makedonija.
“Asavke mentalno sklopeja tradicijaja ko shuke integrativna kapacitetija bashi liderstvo, ko mle-mre, thaj tle thaj trujal manipulacije taro javera etnikumija save so naelen iskustvo bashi trmarkeriba , o evidentija ko Hramovibe nashti sikaven ai chachutno numero tari romani khedin. Sine politikane partije save so ko vakti taro Hramovibe kerena sine pi buti thaj nakergje kanchi bashi o Hramovibe, sinejamen thaj opoziciska partije save so akharena sine ko bojkot , thaj lender siklilem sar na kamlape te kerelpe buti.
Personalno gdinava kaj kamlape rodibe save so ka ovelen kujba k relana evidentija bashi kreiriba anglune politike. Ulavdo fokusi kamlape te ovel ko akanutne administrativna baze save so nekana avtomatski ikalelape sluzbeno lil bashi javer indetiteti taro tromarkerdo vdeklaririmo, bizo urlipe Dali I Agencija bashi bukjarnipe ja personalna karte palo odova akate na kalkulirinaja thaj e manhsenge save so naelen dokumentija bashi bijamo lil ja pa manusha save so naelen maticno numero” vakerela Memeti.
Trujal akala vakeriba taro akala duj mansuha sine thaj reakcija taro Presidenti taro Partija bashi emancipacija e romengiri Samka braimovski
Savo lipargja ko radio kanali 77 ki emisija kaj o Hramoviba na teloikerela akala numerija thaj kaj ov ki khedin leskere tapartijaja ka kerel nevo Hramoviba odoleja so ka dzal taro kher ko kher kaj so dzivdinena o RomaAmen akava Hramoviba na telikerja thaj adava so kergjale kamlape te del dzovapi bangjavaloO Hramovibe sikavela kaj o Roma ki Amari them isilen majbaro nataliteti , o Hramovibe sikavela kaj salde isi mule a na neve bijame Roma. Amen ka da fuhaliba dzi ko mashkardzijaneskere institucije dzi ko Brisel thaj Vashington bashi akava hali amen ka kera nevo Hramoviba taro kher ko kher odoleja ka sikava kaj sijem 7% thaj sijem 3 etnikumi ki Utarali Makedonija, vakerela o Samka Ibraimovski.
Aso leste o Hramoviba si kerdo te shaj perena pe o apetitija tari Albanikani etnikahni khedin.
