Romani khedin ko jekipe: Hramomi Deklaracija tari komuna Shuto Orizari thaj 10 Ngo romane organizacije
Avdije sine ikerdi pres konferencija kote sine vakerdo bashi o vas hramoviba tari deklaracija mashka korkoriradzipe komuna Shuto Orizari thaj 10 romane Ngo sektorija.
I RESARIN TARO DEKLARACIJA TE ANGLODIKELPE THAJ ANGAZIRINELPE BASHI POSHUKAR SOCIOEKONOMIJАKORO THAJ POLITIKAKORO KONTEKSTI KOTE SO DIKELAPE KAJ KO AGORUTNO VAKTI TIKNARDI SO O ANGLODZAJBASKERE PROCESIJA BASHI ROMANI KHEDIN KI UTARALI MAKEDONIJA.
” Na implemetiriba taro Strategijakere dokumentija, tikno nivelo tari politikakiri participacija, ulavdo keriba buti tari romani khedin palo sa o funde, lakiri nainkluzija ko neve bukjarne ki javno administarcija , nashukar sastipaskere politike thaj socijalno ikalibe, but biladzi kergja i situacija e romengiri ki Utarali Makedonija thaj lakoro hali, bashi pohor taro akala problemija anelape thaj o na aviba dzi o fondija bashi romano dizjakoro sektori”, vakerela Fatima Osmanovska .
Bashi te anelpe zalozba tari Deklaracija akaja kupa taro moto “Jekipe thaj jekajekipe” ka ovela beshibe taro individualna thaj kupeskere beshiba taro zasegnime riga politikane partije, institucije, fondija thaj o manusha save so anena o dekretija. Jekajek planirime si javna prezentacije taro problemija e romane khedinengiri.
Mashkar javer lipargjape kaj ko nakle bersha dikelape sine i stagnacija ko sa o nivelija taro dzivdipe ki romani khedin , potenciringjape ki pres konferencija
Pobuter dikhen ko video
