Intervju Omer Shef – Shukar zgotvimo mas trebno leske masaža thaj muzika taro Mocart
O Pendzardo khorano gotvachi Omer Atajsan alias Omer Shef pobuter vakti si zaedno pe timeja ko elitno restoranti MiKasa ko vilo taro Kale ko Skopje. Omer pobuter taro 22 bersh si profesionalno gotvachi ko najskupa thaj luksuzna restorantija ko Istanbul. Peske vakerela kaj sar dzanela peske , kerela akaja profesija bare mangipaja thaj sukceseja.
– Saste 6 bersha kergjum buti e sumnaleskere pendzarde gotvacheja Nusret thaj odova ko Katar, Kuvajt, Saudiska Arabija. Mange sajdipe so kergjum buti doboka shukar gotvacheja. Sium sine thaj tim lideri ko eitna restorantija ko Istanbul, sa adava si iskustvo thaj buti.
Ka vakerav tumenge jek anegdota – Odma palo mlo bijav, tajsutno dive odma geljum ki buti. Mli romni hari chudingjape, sepak sium sine taze prandimo”- asala Omer.
Ov vakerela kaj ki khedin ple timeja ki MiKasa ka gotvinel o najshukar specijalitetija. Odnosno o mas leskoro specijalnost thaj sekako I pendzardi khorani baklava f’stokoja thaj sladoledi.
– Isi trujal 27 vidija ko mas savo gotvibaja si specifikani korkori peske, na primer isi mas savo tribul te beshel taro 4 arija, sa dzi 20 dive dzi leskoro hazrikeriba. Mange o gotviba o mas si jek vrsta mange sar SHOW. Mesi khelela fudbal, me khelava e maseja. Adava si mangipa savo ko agor dela shuze rezultatija.
Puclem le savo bakshisi si najbaro ki leskiri gotvachko kariera.
-Je fori ko Kuvajt ko jek but pendzardo restoranti kote so keraja sine buti alo o sheiko ple familijaja. Mukla mange bakshishi 10 milje dolarija, A ko Katar arapsko biznismeni, koleste so razrabotingjum o lanco taro leskere restorantija dengjaman pursako 45 milje evra.
Thaj ko agor puclemle savo si najskupo hazrikerdo mas ko Sumnal?
–Definitivno Kobe tari Japan.Bashi leskoro hazrikeriba te gotvinele trebno 20 dive priprema kote so sakova dive masirineja e mase nadhranineja pivoja, muzika taro Mocart duri palo odova pekelape- dziperela o Omer Shef
LESKERE SHUZE HAJBA O SKOPJANIJA SHAJ PROBINENALEN KI MiKasa THAJ TE KEREN REZERVACIJE KO MOB BROJ 075 317 387
