Kurto Duduš -Kuco „ Akava baro numero mire simpatizerija vakerena so amari viktoria si ko avgo krugo“
O kandidati baši šerutno e Komunake tari Koalicija LDP- DOM o Kurto Duduš Kuco, erat ko restoranti Mevče Palas ano Šuto Orizari ikergja piro centralnikano komunakoro miting, kote so pali disavi procena legarela sa pobuter taro 500 simpatizerija tari akaja politikakiri opcija.
Ko plo lafi keribe o kandidati baši šerutno e dizjake vakergja, so but bukja so sine ki vrama taro leskoro mandati dela sine baro zori te anel i Komuna ki trasa koleja bi polokeste kerela sine buti.
O Kurto Duduš vi agjar potciringja so leskiri kandidatura baši rodibe o dujto mandati si o kanidatia kola so nanelen interes e dizutnegoro, thaj si šajdipe trujal akala kandidatija ti iranelpe i dar ko dizutne sar so sine ko anglutne mandatija taro anglune šerutne e Komunakere.
Ov bičavela apeli dži ko sa ple simpatizeria so ko akala dive anglo alusaribe ko 17 oktomvri si but darakeribe taro odrdeno džene taro konkuretno političko partie, thaj dela len šajdipe te ikerenpes dži ko akava dive thaj pire alusaribaja te ciden odova bilačipe panda ko avgo krugo.
„ Na trebela te adžikera so ola ka keren soske sa tumen diklen akala štar berša“. Čače sine pharo, numa ake pohari sikavaja dži kote reslem amare bukjaja, thaj tumen džanena so me sijum sine pravdo sarine te žunav, sarinege te dav mlo teloikeribe pa vi te sine ki ekvaši rat te anav faisalibe tumare problemenge. Me na kerava sa selekcija ko šaj a ko našti te kuvel mandeko biro nit rodava sine sar te ovel uravdo“
„ Me sijum lošalo so dikava akava baro numero ki akaja sala, koja vakerela baši bari viktorija panda ko avgo krugi taro lokalnikane alusariba.“
Ko miting sine vi agjar o predsedateli tari političko partija DOM i Maja Moračanin, koja so vakergja kaj o”Promene ki Komuna Šuto Orizari kola so šurukergja angleder štar berš ka prodolžinen i ko avutne štar berš. Vi agjar dengjalen baro dumo baši o zakane kola so bičenena e dizitunenge ma te daran, te ačon ki pli opcija baši pli alusarin , soske naklja odova vrama taro zakane I makedonia si demokratikani them thaj thaj tumen ma daran nikastar”.
O paluno mesažo tari Moračanin anglo khedutne si mesažo baši sa okola kola so mangene te keren buti ki politika thaj si kandidatija a omalovažinena e džuvlja sar soj ” Tu na sijan baši politika beš tuke khere ov tuke domakica” na ka len o alusarina ko akala alusaribe.”
