Dali ka sikaven i chacutno romano numero ko Hramovba 2021 kobor Roma isi ki RSM
Palo 20 bersh ovenamen neve informacije bashi struktura taro dizutne ki amari phuv, tajsa ki Makedonsko filharmonija ko Skopje ka oven prezentiriem o majneve numerija khedime bashi vakti taro hramoviba 2021 taro dizutne thaj kherutnipe, savo so sine ikerdo ko periodi taro 5 septemvri dzi 30 septemvri ko nako bersh.
O Nastan savo so ka ovel ikerdo i manifestacija taro evidentija taro hramoviba sar so informirinena taro zavodi bashi statistika si ulavdo ko duj kotora. Ko avgo kotor taro 11 o ari ka ovel ulavde shukrikeriba bashi manuhsa save dengje plo zori sar thaj institucije save so dengje arka ko lakoro agorkeriba o hramoviba, dzikote ko dujto kotor ko 12 o ari ka oven przentirime o evidentija taro hramoviba.
Aso majneve informacije ko socijalna sepetke sar thaj ko publiciteti isi pobare tenzije thaj adzikerenape o evidentija koleja so turli etnikani khedin isila ple matematika kobor kamlape te oven ko hramoviba.
Majavazi dejbaskiri khedin si I Romani thaj o khoraja kote so aso biradzakere organizacije Avaja savi so notikerela sine o hramoviba taro shuru dzi ko agor lakere evidentija vakerena kaj Roma ki Utarali Makedonija si 100 000 mile thaj save numero telo akava si nachachutno jekajek thaj ko korkori ko procesija tari akaja organizacija notikerena sine but bagiba o nijamija bashi hramovibe kote so reazgirinena sine kori institucije.
Jekajek ple matematike isi thaj okola javera khedina ki Utarali Makedonija save so neoficijalna veke ko publiciteti iklona ple evidentencar bashi kobro manusha si.
Aso o Direktori taro zavodi bashi statistika Apostol Simovski liparela kaj akaja operacija si majchachutni thaj lende si trujal o evidentija ko teren numa thaj vkrstime o podatokija taro baze taro nekobor institucije thaj si ando agorutno dekereti sar thaj oficijalna evidentija , vakerela o Simovski.
Ki prezentacija tajsa ka ovele dersi dejba o Direktori Apostol Simovski o telo direktori Ilmi Selami thaj o mashardzijaneskoro eksperti tari Slovenija Danilo Dolennc. Adzikerelape te lel than thaj o Premieri Dimitar Kovacevski thaj dzene tari Radzi dzene tari diplomatsko kori ki Utarali Makednonija.
