(Видео) „Бисер Балкански“ од грлата на 508 млади полицајци при нивната промоција во Идризово
Петстотини нови полицајци од кои 416 мажи и 92 жени ја испеаја „Бисер Балкански“ по денешната свечена церемонија во Центарот за обука во Идризово, откако ја завршија енодгодишната обука.
Министерот за внатрешни работи Панче Тошковски истакна дека полицајците ги очекува една нова етапа. Им порача дека секој од нив е креатор на сопствената среќа, оти нивниот успех зависи од самите, но и дека законот мора да се почитува.
Техничкиот премиер Талат Џафери, честитајќи им на новите припадници на полицијата, посочи дека да се биде на првата линија на безбедноста е благородно и во исто време многу одговорна должност.
Успешното завршување на обуката им го честита и дополнителниот заменик министер за внатрешни работи Митко Бојмацалиев.
