Нов услов на Османи, договор за ветинг за формирање влада
Бујар Османи, кандидатот за претседател од Европскиот фронт, тврди дека покрај уставните амандмани, неопходен е и договорот за ветинг за формирање на Влада. Ова, според Османи, подразбира потенцијалните функционери да обезбедат сертификат од САД, ЕУ и НАТО, пред да преземат каква било официјална улога во власта.
Османи смета дека со овој услов ќе се зајакне борбата против корупцијата и против руското влијание. „Нема да има Влада без договор за целосен ветинг на сите носители на јавни функции за да се исчисти Македонија од овие проблеми и пречки“, рече Османи.
Тој повтори дека и уставните измени се предуслов за формирање влада.
Лидерите на албанските политички партии се согласуваат со тоа дека ќе се воздржат од влегување во владина коалиција додека не се реши прашањето за уставните измени.
