08
Apr
Apr
Umetničko delo crtimo taro roboti, bikimo basho skoro 700.000 Dolajra
- Dzulia Selim Memed / 5 years
- 0
- 2 min read
I Sofija tani multitalentirano roboti kova so shaj te kerel lafi , te šalinelpe, te gilavel hem duri te crtinel. Lakoro digitalno delo predizvikujnela bunipe celo sumnal ki umetnost koga sine bikimo lakoro delo ki aukcija basho 688.888 amerikanska dolarija ki forma agahar vakerdo bizomeninlivo tokeni(NFT). O bikibe sikavela ko pobarutno čučipe ki kontrola ko pazari NFT, kote so o manuša shaj te kinen sopstvenicka pravija ki digitalno sodrzina. I Sofija tani najpoznato robotsko kreacija tari kompanija Hanson Robotics, hem shaj te imitirinel izrazija tari faca, te kerel lafi hem te pendzarel manushen. Ko 2017 bersh dobinga drzavjanstvo tari Saudisko Arabija hem uli o prvo manush mashkaral e robotencar. Oj sorabotinga e italiansko slikareja Andrea Bonaset, a posle pocminga korkori te kerel digitalna umetnicka deloja. O digitalno delo, kova so sine bikimo basho 688.888 amerika dolarija, tano vilem jek video klipi taro 12 sekundija kova so sikavela e portrete taro Bonaset sar evolucionirela ki digitalno slika tari Sofija. I Sofija prodolzinga te crtinel, a lakoro sledno cekori tani ki pi kariera te shaj te kerelpes ko sumnal tari muzika. Svirinela ko poveke muzicka instrumentia ko proekti so vikinelape “Sofija Pop”, kote so sorabotinela muzicarencar basho pishibe muzika em tekstija. Haingo: pari.com.mk