Kjani IbraimDecember 16, 2017
patm-ko-brego-kolumbija-24vakti-1.png

2min638

Ko akava brego ko palune 10 berš resle 13 manušikane patma (stapala)

Ko akava brego

Kanadska službenikija phrage rodlaripa sar taro adava so akava masek ko brego tari Britansko Kolumbija resla 13-to manušikano patm (Stapalo) uravdo patikaja kova so sa akava ovela ko palune 10 berša.

Majk Dzouns sar phiravela sine pe dzukle paš ko brego taro Vankuver o dzukel primetinga kokalo phandlo morsko algencar, keda pošukar dikhla  ov primetinga patm kova isila patika.

Akava si paluno ki niza kova so angleder resle pobuvleste ko akava brego, taro 2007-to berš pa nakari resle 12 patma (stapala) kova sine arakhle thaj sa sinelen agar sar akava uravde samo jek patika, hramonela Guardian.

Ko akava brego

O arakhiba thaj adava sar resena o patma ko akava brego vazdinga bare teorije, prema nekaste kerelape lafi bašo žrtve e prirodno katastrofenge sar so si o cunami, prema o javera kerelape lafi bašo bi bahtalipa kova so si astarde ko more, numa isi disave so gndinena kaj isi šajdipa te ovel serisko personi kova so mudarela len jali serisko ubijco, numa thaj isi gndiba kaj si žrtve frdime taro mafijašija ko pani.

Disave taro patma (stapala) kola so arakhlelen sine identifikujme thaj sine dikhlo kaj preperena muršenge kova angleder sine havlarde sar našavde personija jali isceznime, maškar olende sine arakhle thaj duj parija patma (stapala).

Ko jekh thaj o bi identifikujme patma preperena personenge kola si murša.

O patologija vakerena kaj na kerelape lafi bašo mudaribaske jali žrtvenge taro prirodna katastrofe ko more.

Tari policija probinena te pendzaren kaskoro si o 13-to patm (stapalo) thaj sar mulo adava personi.

 


Kjani IbraimDecember 11, 2017
irska-plata-24vakti-1.png

1min1581

Akaja phuv dela plata 2.650 evrija ko masek dikhen so valjanela te dzanen.

Akaja phuv dela plata 2.650 evrija

Irsko agencija bašo regutacija, specijalizirimi bašo ugostitelstvo Action Recruitment ko momentumi priminela prijaviba bašo kuvarija.

Rodenape šherutne thaj telo šherutne kuvarija bašo hotelija kola so isilen 4 thaj 5 čherenja ki sasti Irska, a dzi kote i plata si ko šukar resariba taro 2.000 evrija dzi ko 2.650 evrija.

Akaja phuv dela plata 2.650 evrija

Taro kuvarija udzarelape hazrkeribe o hajba thaj prezentiribe o hajba, upravibe thaj kordiniribe e telošherutne kuvarencar thaj kolegencar, dzanibe o meni, recepte thaj sa o javera importantna potrebe.

Bašo prijavibe ko akava oglasi valjanela minimalno iskustvo taro kulinarstvo majhari 1 berš, numa thaj pendzaripe Anglisko čhib hramonela „Poslovani dnevnik“.

 


Kjani IbraimDecember 11, 2017
plata-evra-24vakti-1-1280x844.png

1min436

Makedonija arakhlola ko top  10 phuvja majtikne platencar.

Makedonija arakhlola ko top  10

Makedonija arakhlola maškar ko top 10 phuvja ki Europa majtikne platencar, sikavga o Ukrajnsko rodlaripe taro analitičko centro.

Majtikne plate isi ki Ukrajna, kote so o resaribe si 190 evrija ko masek, ko akava top 10 arakhlona thaj Srbija, Belorusija thaj Albanija.

O top 10 taro majtikne plate ki Europa ikerena le: Gruzija, Ermenija, Belorusija, Kazahstan, Albanija, Makedonija thaj Srbija.

Prema ko podatke taro Ukrajinsko analitičko centro majbare si o plate ki Švajcarija kote i prosečno plata resarela 4.421 evrija ko masek, palo lende si Island kova so resarela 3.440 evrija thaj Norveška kote so i prosečno plata bašo jek masek resarela 3.405 evrija.


Kjani IbraimDecember 8, 2017
hajbe-24vakti-1.png

1min384

Francija si phuv kote so majhari frdelape o hajbe.

Francija si phuv

Korporacija Economist Intelligence Unit (EIU) kova so lengiri buti si te keren analize thaj rodljaripe vakerge kaj i Francija si phuv kote so majhari frdelape o hajbe ko sumnal, havlarena Reuters.

Šukrakeribe e supermarketenge kolenge si čhinavdo te frden o hajbe ko jek thaj akava astarela e restoranten kova so protektirinena dopherde kese kolende čhivela pe o hajbe so ačhola thaj adaleja i phuv Francija ukljinga ko avgo than ki lista.

Japonija, Germanija, Španija thaj Švedska tane avga phuvja ko top 5, a ko rodljaripe si uključime barabar 34 phuvja , o rangiribe si upral i osnova bašo hajba so frdelape, kvaliteti e produktenge thaj kobor si olendar ko ekološko hazrkeribe.

Amerika iznenadinela ki adaja lista ko 21-to than , numa thaj o Pašakerde Arapska Emiratija kote so bizo dikhibe o beneficijee manušengere arakhlepe ko paluno than tari lista. Jek taro šajdipa bašo adava sine bari količina frdimo hajbe kova so ko jek berš resarela 1.000 kile palo manuš.


Kjani IbraimDecember 5, 2017
sakasvili-uapsimo-24vakti-1.png

2min314

Eks Gruzisko prezidenti uapsimo ko krovi tari zgrada ko Kiev.

Eks Gruzisko prezidenti uapsimo ko krovi

O Eks prezidenti tari Gruzija Mihail Saakašvili sine uapsimo ki dramatično akcija ko krovi tari zgrada kova so sinela 7 spratija ko jek thaj  kote so dzivdinela ov.

Šhurakerga i akcija ko 07 o ari sabajlea keda o eks prezidenti, a akanutno lideri taro opozicisko Dzajbe e neve takatenge,kova so ov ukljinga ko krovi tari zgrada te šaj te našel taro apsibe. Dzi kote 100 specijalcija sine uključime barabar pregovaračencar thaj o doktorija sine ki akcija, numa o eks prezidenti probinga taro krovi te mobilizirinel e Ukrajinsko dizutnen.

„Akava si pheribe palo vakeribe taro Putin, me rizikujngum mo dzivdipe, mli sloboda thaj i sloboda e Ukrainsko dzijaneske“ vakerga taro krovi Mihail Saakašvili eks prezidenti tari Gruzija, mangipaja te frdelpe thaj te mudarelpe.

Saakašvali si bangardo sebepi raštrakoro khujbe thaj bašo primibe stranska finansije arkja thaj perajbaja i Ukrainsko vlast, kote so ko paluno periodi ikerga pobuter protestija.

„Isi amen dokazija kaj o Saakašvili priminga paše milioni dolarija taro oligraho Sergej Kurčenko, kova so finansiringa i sasti kampanja Dzajbaske neve takatija bašo peravibe i Ukrainsko vlast“ liparga Jurij Lucenko raštrakoro došakerdo tari Ukrajna.

O Ukrajnsko prezidenti Porošenko ko paluno vakti bangarga e eks prezidente tari Gruzija Saakašvili kaj ov mangela te destabilizirinel i Ukrajna, dzi kote angleder jek berš o solduj legarenape sie sar bare oponentija adaleja so o Saakašvili lela than sar dizjakorošherutno ki dzi Odesa ki Ukrajna.


Kjani IbraimDecember 5, 2017
federika-mogerini-24vakti-1.png

1min266

Europakiri unija si zainteresirimi bašo o so 6 phuvja taro Zapadno Balkani te oven kotor tari Europakiri familija, liparga i učhi prestavnička tari EU bašo avrisutni politika thaj protektiribe Federika Mogerini.

Oj vakerga kaj udzarela dzi ko thavdipe e mandateske tari dzi akanutni Europakere Komisijatar palo duj berš i Europakiri Unija te kerel anglodzajbe ko halojbe e so 6 Zapadno Balkansko phuvjencar.


Kjani IbraimDecember 4, 2017
Lindiana-Leite-Brazil-dizjakiri_herutni-24vakti-1.png

2min471

27 beršengiri Brazilsko dizjakirišherutni ka dzal 14 berš ko panlipe.

27 beršengiri Brazilsko

Kontroverzno dizjakirišherutni tari diiz Bom Šardim ko Brazil kova so isila 27 berš Lidiana Leite si osudimi ko 14 berš panlipe sebepi so čhorela sine pare taro budzeti e dizjakoro, a akaja terni dizjakirišherutni e komunaja kerela sine buti preka ko internet.

I atraktivno dizjakirišherutni dzivdinela sine dzivdipe ko učho pro ko jek taro majčhorole dizja ko Brazil 40.000 dizutnencar.

Lidiana Leite e komunakere upravake ulavela sine zadačhe preka ki mobilno aplikacija preka ko WhatsApp, a adaleja so palo duj berš taro šhurakeribe e sudsko proceseske thaj 6 berš nakhle ko kherutno panlipe, o adalati anga dekreti bašo phanlibaskiri kazna taro 14 berš. Iako o pare sine namenime bašo fondi educiribaske e majčhorolenge, a i terni dizjakirišherutni isila nijami ko rovljaripe.

O rodjlaripe bašo čhoriba šhurakerga keda ko siklane na sine obrokija bašo čhavem a taro adava sinelenge o jekhutno hajbe ko thavdipe e diveske.

Ko jek vakti ko socijalna riga šhurakerge te ikljon slike taro luksuzno dzivdipe tari dizjakirišherutni.


Kjani IbraimDecember 2, 2017
asa-ha_inson-selfi-zatvor-24vakti-1.png

2min1080

Ka dzal ko phanlipe sebepi jek selfi.

21 beršengiri Asa Hačinson isila šajdipe te dzal ko phanlipe trin berš sebepi jek namanglo incidenti ko Dubai.

Ka dzal ko phanlipe sebepi jek selfi

Oj sine pe amalencar ko ručko ko finansisko centro ko Dubai desingape akava incidenti, kerga selfi manušeja kova so sovela sine ki fotelja ko lobi taro hoteli.

Palo odova dikhlape kaj kerela pe lafi bašo izvršno direktori jeke Švedsko tehnološko kompanijake, ov taro jek puti dzangavdilo thaj holanga keda dikhla kaj slikinena le, pa šhurakerga maribe lakere amalencar.

O mariba na sine but, numa i Asa definitivno ikalga o bilačhipe taro akava incidenti, iako ko thavdipe e maribaske oj tergola sine po palal, a dzi kote oj bešela ko Dubai thaj o bangaribe bašo dosadibe e manuše pelo upra late.

O Amala tari Asa Hačinson pukinge o depoziti thaj lele ple pasošija thaj irangepe palal ki Anglija thaj anglo reagiribe e policijake.

O personi kova so slikingele muklja oficijalno rovljaripe baši grupa so kergeleske adava, adaleja so ko Pašakerde Arapska Emiratija računinelape pharo phagipe.

Palo odova e terne raklja bangarge kaj čhorga novčharija da, a oj negirinela adava vakeribaja kaj samo vazdinga o novčharija e manušeskere kova so pele tele thaj darandili ma te gazinen len ko maribe.

„Našti te phakav kaj akava desingola mange, Ni jek namangela te šunel ma, i policija priminga adava sar fakti samo ov so vakergalenge, namangava te dzav ko phanlipe sebepi akava“ vakerga Asa Hačinson, prenesimo taro Daily Mail.


Kjani IbraimDecember 1, 2017
trump-bidzukongiri-atmosfera2-24vakti-1.png

1min308

Bidzukongiri atmosfera: Familija Tramp ukrasinge i elka anglo Parno kher

 Bidzukongiri atmosfera

I familija Tramp ukrasinge i elka anglo dvor taro Amerikansko Parno kher. O prezidenti Donald Tramp thaj leskiri romni Melanija Tramp ukrasnige o božikjno kaš thaj šhurakerge e bidzukengiri atmosfera.

Ko prezidenteskoro parko anglo Parno kher i tradicija e božikjno elkake si panda taro dur 1923-to berš, a akava si avgo puti i familija Tramp te len than ki akaja ceremonija.

 Bidzukongiri atmosfera


Kjani IbraimNovember 29, 2017
bebe-operacija-24vakti-1.png

3min608

Jerije tari diz Požarevac, ki Srbija sebepi pli vera namangle te den rat ple bebeske thaj te den le arka te sasljol, iako valjanga o bebe hitno te dzal ki operacija , haramonela o Srpsko Kurir.

Šaj li ulaveltumen

Palo odova o jerije akale bebeskere odbnge te hramonen lipariba kaj odbinena te den transfuzija e rateske, sebepi adava o Centro bašo socijalno buti ki diz Požarevac lela lendar o staratelstvo thaj denga dozvola e Čhavorikane klinikake ko Tiršovo te kerel hitno i operacija.

Prema ko vakeriba taro Belgradska mediumija, akava sa ulo ko 13-to noemvri ki Čhavorikani klinika ko Tiršovo ko Belgrad, keda o jerije namanglje te den rat.

I doktorka havlarga akale haleske ki policijakiri stanica Saveski venec kaj ko odelenije tari intenzivno nega arakhlola bebe kova si purano trin dive thaj valjanela leske hitno hirurško intervencija thaj si naophodno ko teko tari operacija te delpe leske rat, o problemi ulo keda o dad thaj i daj namanglje te hramonen adava, vakeribaja kaj  versko preperena ki grupa Jehovna Svedokija thaj palo odova sebepi valjanga te  interveniriel i policija.

O dad e bebeskoro kova sinele 35 berš ki policijakiri stanica vakerga kaj palo nisavi cena thaj nane ko šajdipe te  del rat thaj te hramonel adava, dzi kote i daj da sinela isto stavi thaj sine mujal adava.

Palo odova akana si čhinavdo o staratelstvo e jeriengoro jali o jeriluko upro bebe, akava dekreti angele o centro baši socijalno buti palo primiba o havlaribe tari Čhavorikani klinika thaj ov  produžinela pe saljojbaja ki adaja klinika.

Taro fundamentalno tužiba ki diz Požarevac mujal o jerije muklja bangardi prijava sebepi šhurakerge bangardo kotor thaj phagiba o familijarna obaveze thaj šartija.

Palo sasljojbe e bebeskoro, o jerije ka oven vikime ko pučlaribe thaj palo khediba sa o dokazija ka ovel ocenimo so ka kerelpe ponadari.

Ko maškar vakti o bebe si operirimo thaj arakhlola ki Čhavorikani klinika ko Belgrad thaj sukcesivno sasljola vakerga o direktori e klinikake Zoran Radojčič.



Bašo Amenge


Grupa taro terne Roma intelektualcija, novinarija, web dizajnerija, tehničarija, montažerija thaj javer personali savo so isilen baro iskustvo ki piri buti rodingje te keren nesto nevo ko mediumsko internet than ki Makedonija. Palo beshiba ko sostanok taro timi taro 24vakti.mk angjape decija kaj ko akava momenti falinela jek romano web tv portali savo ka nudinel pravilno, kvalitetno, informacija baši o Roma. Adaleske formiringape o www.24vakti.mk  ko adava sostanok čivgjem akala celija thaj pričine soske te formirina o jekutno romano web tv portali 24vakti.mk

24Vakti © Copyright 2015 – 2017, Sa o nijamija si protektirime